Karin Dokken Austvik
Jarle Lunde
Suldal og verda rundt oss
Klimakrisa er synleg i heile verda. Det er krig i fleire Europeiske land og konsekvensane pregar også Suldal. Suldal er ein god kommune å bu i. Posisjonen som kraftkommune gir oss godt handlingsrom og gode tenester. Samtidig veit me at dette vil utfordrast. Vi blir fleire eldre og færre i yrkesaktiv alder til å yte tenester. Det er avgjerande for velferden vår at vi vågar å ta det på alvor.
Vekst og sysselsetjing
Suldal har vekst i folketal grunna mottak av flyktningar. Nedgang i fødselstala er likevel ein realitet og tal eldre stig. Rammene over statsbudsjettet vil bli strammare og meir uføreseielege. Dette er bakgrunnen for at kommunedirektøren har fokus på å unngå generell auke i drifta i økonomiplanperioden.
Økonomiske måltal
Kommunen har høge inntekter på sal av konsesesjonskraft og god tradisjon for klok bruk av ekstraordinære inntekter som ikkje legg press på ordinær drift. Det er likevel naudsynt å definere ein ansvarleg og berekraftig Suldalsstandard for tenestene og halde fram med å byggja opp bufferar som dempar svingningane i kraftinntektene.
Digital transformasjon
Vi må endre måten vi gir tenester på. Teknologi og digitalisering er noko av svaret. Digital transformasjon skal bidra til at Suldal kommune lukkast med endringsprosessar der digitalisering utgjer ein viktig del. For å lukkast må vi leggje til rette for læring og bidra til systematisk digital kompetanseauke i kommunen. Dette skal skape fornying og gode tenester som tek utgangspunkt i brukaren sine behov.
Berekraftige tenester
For å handtere veksten av eldre og nedgang i tal yrkesaktive må vi arbeide i fleire paralelle løp. Teknologi er noko av svaret. Rett teknologi på rett plass med kompetanseutvikling til tisette må til. Samarbeid og synergiar er det vidare svaret.
Les kommunedirektøren sitt framlegg til Økonomiplan og handlingsprogram (PDF, 2 MB)
Les kommunedirektøren sitt forslag til Betalingshefte 2024 (PDF, 751 kB)
Les vedleggshefte til Økonomiplan og handlingsprogram (PDF, 9 MB)