Ny i Suldal?Lytt til tekstenStopp avspillingVurderer du å flytta hit? Er du fersk Suldøl? Då vil me ønskja deg hjarteleg velkomen! Me har samla inn informasjon som kan vera kjekk å ha som nytilflytta. Dersom du har spørsmål kan du ta kontakt med Organisasjon og innbyggarkontakt. Me håper du finn deg til rette i Suldal! Skattkammeret Suldal er den geografisk største kommunen i Rogaland, med rundt 3 800 innbyggarar. Hjå oss er det god plass og ein fantastisk natur! I Suldal har me alt frå lune fjordar til vide fjellområde og høge toppar. Her ligg det til rette for eit aktivt friluftsliv både sommar og vinter. Me har eit rikt og variert kulturliv. Våre sju grender, Ropeidhalvøya, Jelsa, Suldalsosen, Erfjord, Vanvik, Nesflaten og Sand, ligg spredt i kommunen med gode lokalmiljø og eigne skule og barnehagetilbod. Eit innhaldsrikt og aktivt kulturhus ligg på kommunesenteret Sand. Her ligg og sentralidrettsanlegget med idrettshall, sandhall og ikkje minst det nyopna Suldal bad. Natur Kom til Suldal for å oppleva fantastisk natur! Det er merka turløyper i alle grender og det er turar for alle - uavhengig av alder og fysisk form. På Miljøstatus Suldal finn du informasjon om natur og kultur, friluftsliv, klima og miljø med meir. Lenkje til sida finn du her. Du kan og lesa om turstiar og fritidsaktivitetar som jakt og fiske. Besøk og Skattkammeret Suldal her Jarle Lunde Til deg som vil flytte til Suldal Adresseendring hos posten Flyttemelding til Folkeregisteret Nytt/endre skattekort Byte fastlege Kommunefakta frå SSB Til deg som er nytilflytta Viktige telefonnummer Bustadtomter Informasjon om introsenteret i Suldal Bustøtte og startlån Arbeid Ledige stillingar i Suldal kommune Nav - ledige stillingar i kommunen Du kan lesa og sjå video om korleis det er å arbeida i Suldalsbarnehagane, Suldalsskulane eller innan helse og omsorg her. Andre tenester og tilbod Klikk deg rundt på heimesida for å bli kjent med tenestene i kommunen vår. I søknadsportal vår finn du oversikt over alle skjema og korleis du skal søkja. Publisert av Elise Nedrejord Publisert 23.03.2021 09.57