Me har kontaktpersonar i alle barnehagar og skular. Du kan kontakta dei direkte om du ønskjer. 

Fagpersonane som arbeider hos oss har høg fagleg kompetanse, som oftast innanfor område som pedagogikk, spesialpedagogikk, tilpassa opplæring, inkludering m.m. 

Me hjelper barnehagar og skular med kompetanseutvikling og organisasjonsutvikling, slik at barn og unge med behov for særskilt tilrettelegging får den hjelpa dei treng. Me utarbeider også sakkunnige vurderingar der lova krev det. 

Me har faste kontaktpersonar og faste møtetider i kvar barnehage og skule. Med det ønskjer me å vera tett på barnehage og skule for å sikra tidleg hjelp. 

• Barn under skulepliktig alder med behov for særskilt oppfølging
• Barn og unge i grunnskulealder med behov for særskilt oppfølging
• Vaksne med spesialpedagogiske behov
• Føresette. Føresette kan vera med i møte utan at det er sendt tilvising til PP-tenesta.
• Tilsette og leiarar i barnehagar og skular. Barnehage og skule kan be om rettleiing for å jobba med læringsmiljø i grupper eller klassar. Barnehagar og skular kan også bestilla oss til å delta i barnehage- og skulebasert kompetanseutvikling og system for kvalitetsutvikling.

• Barnehage og skule kan ta kontakt med PPT i tråd med BTI-modellen (kommunen sine retningslinjer for samhandling), og etter at foreldre har gitt samtykke til å ta kontakt. 
• Føresette kan ta direkte kontakt med oss
• Ungdom over 15 år kan ta direkte kontakt med oss

Tenesta er gratis

Nei, du kan kontakta oss heile året. 

Me har faste kontaktpersonar og faste møtetider i kvar barnehage og skule. Med det ønskjer me å vera tett på barnehage og skule for å sikra tidleg hjelp. Då kan me jobba med å blant anna: 

• Gi råd i saker som omhandlar heile klassar, trinn eller grupper
• Dela fagleg innhald for personalet på planleggingsdag og fellestid innan utviklingsarbeid og pedagogiske utfordringar
• Vera ein samtalepartnar i analysearbeid
• Gi informasjon om andre aktuelle hjelpeinstansar
• Gi råd eller dela fagleg innhald til føresette, til dømes på foreldremøte, temakveld eller liknande
• Hjelpa til i viktige overgangar som blant anna barnehage-skule
• Observera og rettleia

Me har kompetanse innan ulike verktøy og tema, og tilbyr ein kompetansepakke til alle skular og barnehagar. 

Me samarbeider med barnehagar, skular og andre kommunale tenester som helsesjukepleiar, lege, fysioterapeut, barnevern med fleire. Andre viktige samarbeidspartar er Barne- og Ungdomspsykiatri (BUP), logoped, audiopedagog, habiliteringstenesta, Statped, hjelpemiddelsentralen med fleire.
Me samarbeider berre med andre dersom føresette har gitt eit skriftleg samtykke til tverrfagleg samarbeid.

Du som føresett

• Kan krevja at kommunen undersøkjer om barnet ditt treng spesialpedagogisk hjelp eller spesialundervisning
• Skal bli involvert og seia ja før kommunen tar kontakt med PPT
• Skal bli involvert og seia ja før kommunen bestemmer at barnet ditt skal ha spesialpedagogisk hjelp eller spesialundervisning
• Skal få ein skriftleg rapport ein gong i året om hjelpa barnet ditt får, og ei vurdering av korleis barnet ditt utviklar seg
• Kan klaga dersom barnet ditt ikkje får spesialpedagogisk hjelp
• Kan klaga på innhaldet, gjennomføringa eller organiseringa av hjelpa

• Spesialpedagogisk hjelp før opplæringspliktig alder (Barnhageloven §19a)
• Teiknspråkopplæring før opplæringspliktig alder (barnehageloven §19h)
• Tidleg skolestart (Opplæringslova §2-1 tredje ledd)
• Utsett skulestart (Opplæringslova §2-1 tredje ledd)
• Fritak frå opplæringsplikta (Opplæringslova §5-1,§4-2 siste ledd)
• Spesialundervisning (Opplæringslova §5-1,§4-2 siste ledd)
• Teiknspråkopplæring i grunnskulen (Opplæringslova §2-6)
• Alternativ og supplerande kommunikasjon (ASK) (Opplæringslova §§§2-16,3-13 og 4A-13)
• Spesialundervisning for vaksne på grunnskulen sine område (Opplæringslova §4A-2)

Oversikta inneheld eksempel og er ikkje uttømande