Tilskotsordninga skal støtta tiltak og investeringar i landbruket som medverkar til: 

• Auka lønsemd
• Produksjon
• Tal bruk i drift
• Rekruttering
• Busetjing
• Berekraft for natur, miljø og klima

Tilskotsordninga skal også:

• Sikra og utvikla eksisterande sysselsetting og verdiskaping i landbruket
• Utvikla nye produksjonar med tanke på busetnad i heile kommunen og alle grender
• Simulera til generasjonsskifte og rekruttering til næringa
• Stimulera til at alle ressursar på gardsbruket blir nytta, både i inn- og utmark
• Stimulera til at Suldalslandbruket styrkar si eiga verdiskaping samstundes med produksjon av fellesgode som eit godt forvalta natur- og kulturlandskap
• Bidra til å oppretthalda ein mangfaldig og variert bruksstorleik i heile kommunen. Summen av både heiltids- og deltidsbruk er viktig for lokal, regional og nasjonal matproduksjon, og eit miljømessig, økonomisk og sosialt berekraftig jord- og skogbruk

Før du søkjer

• Du må vera MVA-registrert for å kunne søkja om kommunal næringsstøtte til landbruket
• Du må søkja om støtte før du starter tiltaket. Me gir ikkje støtte dersom tiltaket er starta
• Eigar eller brukar av landbruks- eller utmarkseigedom i Suldal kan søkja om tilskot. Du må visa til tiårig skriftleg leigeavtale dersom tiltaket skjer på leigd grunn
• Søknad om støtte frå Innovasjon Norge skal vere sluttbehandla før det blir gjort vedtak om kommunalt støtte, men søknadane kan sendast inn samstundes til kommune og IN.
• Me gir ikkje støtte til personar over 65 år (dette gjeld ikkje for søknad om støtte til skogkulturtiltak og revepremie)
• Det er ditt ansvar at tiltaket er i tråd med gjeldande lovar og reglar

Om sjølve søknaden

• Søknaden skal vera skriftleg og dokumentert. Du kan søkja gjennom Suldal kommune sin søknadsportal, og lasta opp dokumentasjon til søknaden. 
• Søknaden kan knytast opp mot ev. søknad til Innovasjon Norge (IN). 
• Oppgi kostnadsgrunnlag eks. mva

Etter du har søkt - sakshandsaming:

• Klagefristen for vedtaket er tre veker. Du kan klaga til LMT-utvalet
• Dersom budsjettposten er oppbrukt må nye prosjekt venta til året etter
• LMT-utvalet kan gjera unntak frå reglane når særlege grunner taler for det
• Du kan få delutbetalingar undervegs i tråd med framdrift av tiltaket. Minst 25% av tilskotet skal haldast tilbake til sluttgodkjenning
• Tilskot til skogkultur blir utbetalt gjennom Statsforvaltaren (Altinn el. skjema LDIR -909)
• Dersom drifta blir avvikla innan ti år, kan me krevje at du betaler tilbake tilskotet med 10% nedtrapping kvart år

• Me prioriterer først og fremst nybygg- og ombygging til lausdrift for mjølkeproduksjon og ammeku, og har avsett kr 3 000 000,- i budsjett 2024 og handlingsprogram for Suldal kommune 2024-2026 til dette
• Eksisterande pott på kr 1750 000,- nyttar me til dei andre støtteordningane
• Me støtter ikkje bygningsinvesteringar husdyrproduksjon under kr 500 000
• Investeringar nybygg/ombygging til husdyrproduksjon kan til saman frå Innovasjon Norge (IN) og kommunen få inntil 55% støtte
• Me kan gjera unntak frå reglane om maksstøtte etter ei konkret og individuell vurdering

Ordninga er gyldig frå og med 6.2.24

Du kan lese meir i sakspapira til LMT-utvalet her. 

Du kan også kontakta Bygdeutvikling ved Elin Tjordal for meir informasjon.