Me kallar jamleg alle barn inn til konsultasjonar på helsestasjonen. Du kan også sjølv ta kontakt med oss dersom du har behov. 

Rettleiing og støtte

På helsestasjonen kan du få rettleiing og støtte i spørsmål om vekst, utvikling og samspel og tilknyting hos barnet ditt.

Tema me kan hjelpa med kan vera:

• Amming og ernæring
• Reaksjon etter svangerskap og fødsel
• Stell av sped- og småborn
• Søvn
• Språkutvikling
• Grensesetting
• Leik

Helsestasjonen gir tilbod om rettleiing individuelt, eller i grupper.

Hos oss kan du møta

• Jordmor
• Helsesjukepleiar
• Helsesekretær
• Lege

Når du/de har født eller adoptert eit barn skal du ringa til helsestasjonen. Barnet ditt vil då få oppfølging og tilbod om helseundersøking og vaksinasjon ved ulike alderstrinn.

Hos oss får du rettleiing og støtte i spørsmål om vekst, utvikling og trivsel hos barnet.

Alle tilbod hos oss er gratis. 

Barnet ditt blir vaksinert etter barnevaksinasjonsprogrammet. 

Du kan lesa meir om barnevaksinasjonsprogrammet på FHI sine temasider.