Miljøretta helsevern omfattar alle miljøfaktorar som direkte eller indirekte kan påverke helsa, både fysiske, kjemiske, biologiske og sosiale miljøfaktorar.
Folkehelselova kapittel 3 legg ansvar og mynde for fagområdet miljøretta helsevern til kommunane. I Vindafjord, Etne, Sauda og Suldal er Senter for MVH delegert dette ansvaret.
Tenesta dekker ikkje miljømessige forhold som oppstår i bustader og på fritidseigedomar, viss ikkje slike forhold kan virke inn på omgjevnadar utanfor bustaden eller fritidseigedomen. I særlege tilfelle kan ein gi råd dersom det er risiko for helseplager i bustaden som blir nytta til utleige.
Ansvarsområde
Arbeidet innan miljøretta helsevern består blant anna av:
- Rettleiing og behandling av klagesaker
- Uttale i plansaker
- Tilsyn med virksomheiter og eigendomar, f.eks. skoler, barnehagar, campingplassar, kjøletårn og solariet
- Handsaming av søknader for virksomheiter som er melde- og godkjenningspliktig
Miljøfaktorar som kan påverke helse og trivsel
- Inneklima
- Støy
- Luftforureining
- Stråling (elektromagnetisk stråling, radon, solariet)
- Forureining til vann og grunn
- Lukt
- Skadedyr
- Smittestoff inkludert legionella
- Avfallshandtering
- Handsaming av saker om miljøretta helsevern skal følge forvaltningslova. Klager på vedtak sendes til miljøretta helsevern i kommunen. Dersom klagen ikkje blir tatt til følge, blir den vidaresendt til Statsforvaltaren i Rogaland for endeleg avgjersle.
Alle saksdokument til og frå kommunen er i utgangspunktet offentlege etter offentleglova, og vil koma på offentleg postliste. Det vil sei at andre kan få innsyn i klagen din og kommunen sitt svar på den.
Skjema
Meldeskjema frisør og hudpleie
Plangodkjenning skule og barnehage
Søknad om endeleg godkjenning av skule og barnehage
Søknadsskjema tatovering og hulltaking