Velkommen til Suldal!

Suldal ligg langs Nasjonal Turistveg Ryfylke, to timar frå Haugesund i vest og Stavanger i sørvest. Kommunen strekk seg over totalt 1736 km2, noko som gjer den til den største kommunen i Rogaland og den tredje største på Vestlandet. I Suldal finn du deg i knytepunktet mellom dei høgaste toppane i Rogaland, djupe fjordar, livlege grender, villaks og prisvinnande arkitektur. Suldal kommune fekk i 2020 det prestigetunge merket for Berekraftig reisemål av Innovasjon Norge.

Suldal byr på ei rekke gode opplevingar for naturentusiasten

Her ein kan utforske høge toppar med utsikt over fjord- og fjellandskap, nyte sentrumsnære rusleturar og overnatte ved idylliske turisthytter. Ein kan også realisere draumen om å fange storlaksen, besøke Noregs eldste laksestudio og utforske ei rekke ulike jaktområde. I vintersesongen finn ein milevis med skiløyper, skitrekk og skileik i Gullingen-området.

Kommunen står for over 8% av årleg kraftproduksjon i Noreg, som eit resultat av ei rekke kraftutbyggingar i kommunen. Dette har sett sitt preg på kommunen i form av stor ingeniørkunst og kraftarkitektur. Arkitekturrundturen Suldal-Sauda-Røldal har den beste samlinga av arkitektoniske verk i Fjord Noreg. I sommarsesongen kan du ta deg ein tur til Blåsjø som er Noregs største damanlegg.

Grendene i Suldal byr på det gode kvardagslivet med fine rusleturar, travle båthamner og idylliske badeplassar. I kommunesenteret Sand kan du besøke dei lokale kafeane og butikkane våre som ligg i kvite trehus tett på Sandsfjorden. På Sand finn ein også folkebadet Suldal Bad, kulturhus, badestrand og museum. Suldal har fleire gonger blitt kåra til Rogalands kulturkommune.