Kledning på plass – skifer og taktekking står att
Utvendig er mesteparten av kledninga no ferdig montert, med berre nokre detaljar som tilpassing rundt dører og vindauge att. Taktekkinga, og arbeidet med å montera skifer på delar av fasaden står også att.
– «Me er godt nøgde med framdrifta utvendig» seier byggjeleiar Arild Vaage.
Støyp, isolering og plating i rute
Innvendig går arbeidet òg jamt framover. I B-bygget er golva støypt, og både isolering og plating av himlingar og veggar er godt i gang.
I A-bygget er røyr for vannboren varme lagt ferdig. Her er golvstøypa utsett grunna låg temperatur, men dette blir løyst så snart alle vindauge er monterte. 🔧
– «Når bygget blir tett, kan me få inn meir varme. Då kan me støypa golva uavhengig av temperaturen ute,» forklarar Vaage.
Prosjektet held både tidsplan og budsjett
Prosjektet følgjer planen og held seg innanfor budsjettet.
Byggeprosjektet Vinjar bukollektiv er planlagt ferdigstilt i desember 2026. Bukollektivet inneheld 8 nye rom med fellesareal, kjøkken, dagsenter, base for heimetenesta, opparbeidd uteområde, parkeringsplassar og carportar til kommunale bilar.
Du kan lesa meir om byggeprosjektet her