Kreftkoordinator er eit tilbod til deg som har fått ein kreftdiagnose, eller er pårørande til nokon med kreft. Koordinatoren skal bidra til at du får god oppfølging utover sjølve kreftbehandlinga, og hjelpe deg å meistre kvardagen best mogleg.
Kreftkoordinatoren er spesialsjukepleiar med vidareutdanning i kreftsjukepleie og kompetanse innan lindrande omsorg.
Kreftkoordinator kan hjelpe deg med:
- Å vere ein samtalepartnar og støttespelar i ein vanskeleg situasjon
- Å informere om og koordinere relevante tilbod og tenester
- Å gi råd om ernæring og lindring av symptom
- Å vere bindeledd mellom deg, fastlege, spesialisthelsetenesta og kommunen
- Å formidle kontakt med aktuelle samarbeidspartnarar
- Å hjelpe med å skaffe nødvendige hjelpemiddel
- Å sikre oppfølging av born og unge som pårørande
- Å støtte familiar med kreftsjuke born
Tilbodet er gratis.
Du kan ta direkte kontakt, eller be fastlegen, sjukehuset eller andre helsepersonell formidle kontakt.
Kontorstad: Legekontoret, i korridoren mot sjukeheimen
Opningstider: Måndag, tysdag og torsdag kl. 08.00–15.00