Høyring: Forslag til lokal forskrift om bruk av termiske og restlysforsterkande siktemiddel til jakt på hjort i ope terreng

LMT-utvalet har i sak 076/26 vedtatt å legge ut forskrift om bruk av termiske siktemidlar
for hjort i ope terreng til høyring. Alle som meiner noko om saka kan senda inn sine innspel.

Foto: Turi Ottersland Tjøstheim

Bakgrunnen er at ny viltressurslov som tredde i kraft 01.07.2026 hadde eit generelt forbod mot bruk av termisk og restlysforsterkande siktemiddel med visse unntak. Jakt på hjort var ikkje med i unntaka, men Landbruks- og
matdepartementet fastsette 26.06.2026 endringar i jaktutøvingsforskrifta. For jakt på hjort er det i forskrifta gjort følgjande unntak:

Kommunen kan i forskrift opne for bruk av restlysforsterkande og termiske siktemiddel ved jakt på hjort for å avverje alvorleg skade på natur- eller samfunnsinteresser som følgje av høg bestandstettleik. Forskrifta kan fastsetjast for ein periode på inntil fem år om gongen, og skal avgrense bruken av restlysforsterkande og termiske siktemiddel til jakt i ope terreng. Jegeren skal rapportere bruk av restlysforsterkande og termiske siktemiddel ved felling av hjort i
Hjorteviltregisteret.

Saksframlegg finn de her

Forslag til forskrift: Forskrift om opning for bruk av restlysforsterkande og termiske siktemiddel ved jakt på hjort i ope terreng i Suldal kommune (PDF, 49 kB)

Frist for å gje uttale til framlegget om lokal forskrift er 04.10.2026

Innspel sendast til postmottak@suldal.kommune.no

Publisert 07.09.2026 10.26

Kontakt