Korleis skal Suldal møta klimaendringane og bidra til å redusere klimagassutsleppa i åra framover?
Planen peikar ut mål og tiltak for korleis kommunen og Suldalssamfunnet kan arbeida med klimaomstilling, energibruk og klimatilpassing i åra framover. Han byggjer på måla i kommuneplanen og skal vera eit viktig verktøy for kommunen sitt vidare klimaarbeid.
Planforslaget presenterer hovudtrekka for status, utfordringar og moglegheiter for klimaarbeidet i Suldal. Det inneheld òg mål, delmål og handlingsplan med forslag til tiltak. Til planen høyrer eit eige kunnskapsgrunnlag som går i djupna på relevante tema. Som del av planarbeidet har Suldal kommune, med bistand frå Asplan Viak, gjennomført ei analyse av klimafotavtrykket frå kommunen si eiga verksemd. Resultata frå analysen er samla i ein eigen rapport.
Del 2 Naturmangfald er framleis under arbeid og vil koma på høyring seinare.
Her finn du planforslaget
Planforslaget kan lesast her: Plan for klima, naturmangfald og energi
Kunnskapsgrunnlaget til planen og rapporten frå Asplan Viak kan lastast ned her: Kunnskapsgrunnlag til plan
Har du trøbbel med å henta ut dokumenta? Ta kontakt, så hjelper me deg gjerne!
Gje dine innspel
Gjennom høyringa kan alle som har meiningar om planforslaget koma med sine innspel. Me ønskjer innspel frå andre offentlege myndigheiter, innbyggjarar, lag og organisasjonar, næringsliv og alle andre interesserte.
Innspel kan sendast på e-post til postmottak@suldal.kommune.no eller via brev til Suldal kommune, Eidsvegen 7, 4230 Sand.
Høyringsfristen er 27. august 2026.