Me synes det er synd at planane no er lagt vekk, for Suldal kommune sin del, men mest av alt for regionen som har behov for fleire grøne industriarbeidsplassar.
Tilrettelegging for ny grøn industri i deler av det eksisterande dagbrotet til Mibau Stema, låg til grunn for kommuneplanen som vart vedteken for snart to år sidan, kor eit nytt stort areal vart omregulert til mineralutvinning. Dette var noko både fylkeskommunen og statsforvaltar peika på i si handsaming av planen, og er noko me framleis forheld oss til.
Mangel på næringsareal er ei stor utfordring i regionen vår, og gjenbruk av «grå» areal er viktig i så måte. Me vil no gå i dialog med Mibau Stema om korleis me kan realisera intensjonane i kommuneplanen, og samstundes sikra vidare drift for steinbrotet som er ein viktig hjørnesteinsbedrift i Suldal kommune.
Spørsmål
For spørsmål, kontakt Suldal kommune ved ordførar Mads Drange
Tlf: 99 25 45 43
E-post: mads.drange@suldal.kommune.no