Varsel om oppstart av detaljregulering av næringsområde på Berakvam – Jelsa, Suldal kommune - Suldal kommune heimeside

Varsel om oppstart av detaljregulering av næringsområde på Berakvam – Jelsa, Suldal kommune

I samsvar med §§ 12-8 og 12-9 i Plan- og bygningslova vil me med dette informere om at Omega 365 Protek AS på vegne av Suldal kommune skal utarbeide forslag til reguleringsplan for del av næringsområde på Berakvam – Jelsa, Suldal kommune. Planområdet går fram av vedlagt kart og planprogram i lenke nedst. 

Området er i arealdelen til kommuneplan for Suldal 2023 - 2034 i hovudsak sett av til kombinert formål for næring og råstoffutvinning. Føremålet med planarbeidet er å leggje til rette for utvikling av næringsområde. På det som i dag vert nytta til råstoffutvinning, skal uttak av massar avgrensast til kote +5 moh, og etter uttaket skal området nyttast til næringsformål. Det skal regulerast tilkomst frå fylkesveg 517 – Jelsavegen til næringsområdet.

Planarbeidet vil utløyse krav til konsekvensutgreiing (KU), då planen skal legge til rette for næringsformål som er vurdert å vere omfatta av punkt 24 i vedlegg I i Forskrift om konsekvensutredninger. Det er utarbeida planprogram med meir informasjon, som ligg vedlagt.

For nærmare informasjon kan du kontakte Omega 365 Protek AS på telefon 53 77 53 77.

Eventuelle merknader/innspill til oppstart av planarbeidet kan sendast til:
Omega 365 Protek AS, Norevegen 17, 5542 Karmsund eller via e-post mail.protek@omega.no innan 21.05.2026.

Etter meldingsfristens utløp blir sjølve planforslaget utarbeidd. Etter politisk 1. gangs handsaming blir planforslaget lagt ut til offentleg ettersyn. Det vil då vere høve til å komme med eventuelle merknadar, innspel og motsegn til planforslaget før endeleg handsaming av planen.

 

Vedlegg

Planprogram og kart

 


 

Publisert 09.04.2026 14.14