Kulturprisen i Suldal skal gå til personar eller organisasjonar med tilknyting til Suldal som gjer, eller har gjort, eit framifrå og trufast arbeid i lokalt eller nasjonalt kulturliv.
Levekårsutvalet har den 12.11.2026 handsama kven som skal få årets Kulturpris. Utvalet er glade for innkomne innspel til gode kandidatar og ser at det er mange som utmerkar seg på kultursida i kommunen vår.
Etter gode drøftingar kom Levekårsutval fram til at Kulturprisen for 2026 går til Jostein Tveit.
Jostein Tveit har i mange år tatt i ferde med restaurering av eldre bygg ved sida av gardsdrifta. Han har vore ein lokal utøvar av praktisk bygningsvern i godt samarbeid med bygningsvernavdelinga på Ryfylkemuseet. Mange historiske bygningar har blitt redda på grunn av han. Jostein representerer levande handverkartradisjonar og er ein nøysam utøvar av handverket.