Teknologi + læring + kraftproduksjon

Valfaget Programmering på 9. trinn ved Sand skule fekk teste ein splitter ny VR‑oppleving utvikla gjennom kraftturismeprosjektet til Suldal kommune og Næringshagen i Ryfylke.

Frå venestre: Andreas Yrkje og Håvard Hagen Suldal kommune

VR-briller

Gjennom VR‑brillene kunne elevane ta steget rett inn i Saurdal kraftstasjon – i full 3D.  Der kunne dei:

• klatre i stigar og konstruksjonar
• trykke på knappar og utføre oppgåver
• bevege seg fritt rundt i anlegget
• sjå korleis vatnet jobbar seg gjennom kraftverket og blir til energi
   

Elevane fortalde at opplevinga var realistisk, intuitiv og lærerik, meinte at VR gjorde det mykje lettare å forstå korleis eit vasskraftverk fungerer. I tillegg ga dei gode råd om korleis VR opplevinga kan utviklast vidare.

Kraftturisme i Suldal

VR‑piloten er ein del av forprosjektet for å utvikle kraftturisme i Suldal – ei framtidsretta satsing som skal gi nye opplevingar, styrke lokal stoltheit og skape meir kunnskap om energi, industrihistorie og berekraft for både elevar, innbyggarar og besøkjande. 

Dette er starten på korleis ny teknologi kan bli ein viktig og engasjerande læringsarena for framtida!

Forprosjektet er støtta med midlar frå Rogaland Fylkeskommune.