Suldal kommune styrkjer innsatsen mot sjukefråvær
Suldal kommune trappar opp arbeidet med å redusere sjukefråvær blant tilsette, og lanserer ei brei satsing som kombinerer forsking, førebygging og kulturbygging. Målet er å skape eit meir inkluderande og helsefremjande arbeidsmiljø, og sikre at fleire kan stå i arbeid over tid.
– Sjukefråvær handlar ikkje berre om tal og statistikk, men om menneske, helse og eit godt arbeidsmiljø, seier kommunedirektør Siri Halvorsen. – Me må jobbe med nærværsarbeid og tilrettelegging for å møte framtidas behov.
Forsking og innovasjon: SHIELD-prosjektet
Suldal kommune har signert ein intensjonsavtale om deltaking i forskingsprosjektet SHIELD, i regi av helseteknologiselskapet ABEL. Prosjektet skal utvikle digitale helsetenester for sjukemeldte med psykiske plager og muskel- og skjelettlidingar, dei to største årsakene til sjukefråvær i Noreg.
Ved innvilga støtte frå Norges forskningsråd får kommunen tilgang til gratis oppfølgingstenester levert av sertifiserte helseveiledarar. Oppstart er planlagt til hausten 2026.
Førebyggande tiltak i kvardagen
Kommunen arbeidar med å setje i verk fleire tiltak for å styrke helsa og trivselen blant tilsette:
- Treningsstøtte: Suldal kommune har starta eit prøveprosjekt med å støtte delar av medlemskap for faste tilsette på STAS-knallform. Dette er eit helsefremjande tiltak som kan førebygge fråvær på sikt.
- Oppfølging av risikogrupper: Suldal kommune er oppstartsfasen med eit treningstilbod retta mot tilsette med hyppige og langvarige fråvær.
- Livsfasepolitikk: Suldal kommune arbeidar med å endre seniorpolitiske retningslinjer til livfasepolitikk for å tilrettelegge for systematisk leggje til rette for fleire fasar i livet.
- Revidere retningslinjer for førebygging av sjukefråvær
Systematisk arbeid og kulturbygging
Suldal kommune arbeider kontinuerleg med å redusere sjukefråvær gjennom:
- Retningslinjer for oppfølging og førebygging
- Tett oppfølging og dialogmøter med HR og bedriftshelsetenesta
- Aktiv bruk av bedriftshelsetenesta
- Samarbeid med Falck Karriere og bruk av verktøy frå Idébanken
- LEAN-forbetringstiltak og kulturbygging gjennom kollegaloven og velferdsutvalet
- Digitalt kurs om robuste individ våren 2026
- 10-faktorundersøking hausten 2025
IA-avtalen 2025–2028
Den nye IA-avtalen legg opp til meir målretta tiltak og styrka trepartssamarbeid. Kommunen har forplikta seg til å styrkje oppfølginga av sjukmeldte og sikre god etterleving av regelverket.
Suldal kommune ser fram til å vidareutvikle dette arbeidet, med mål om å skape ein arbeidsplass der alle kan bidra, og der helsa og trivselen står i sentrum.
Publisert 17.10.2025 09.01