Suldal blir med i prosjektfellesskapet Energihovedstaden

Mads Drange Jarle Lunde

Suldal si rolle

Som Norges største vasskraftkommune har Suldal ein naturleg plass i prosjektet. Ordførar Mads Drange seier:

«Energihovudstaden er eit prosjekt som bidrar til å forankra Stavanger og Rogaland som tyngdepunktet for energiproduksjonen i Norge. Som Norges største vasskraftkommune er me glad for å bli ein del av prosjektet, og gler oss til å bidra inn i fellesskapet. Samarbeid er nøkkelen for å lukkast med å møta energiutfordringane me står i, og i ei tid kor Suldal knyt tettare band med Stavangerregionen på næringsutvikling og energi, er dette eit naturleg steg vidare.»

Føremålet

Føremålet er å løfte og styrkje energihovudstaden og støtte transformasjonen:

• Frå olje- og gasshovudstad til energihovudstad
• Spele på lag med ein industri og eit næringsliv i omstilling
• Bidra til ei felles historie om energihovudstaden
• Bidra til samkøyring og koordinering av regionen sitt arbeid for å styrkje energihovudstaden
• Energirådet: toppleiarar frå næringa og ordførarar møtest to–tre gonger per år for diskusjonar rundt overordna problemstillingar
• Energiråd UNG: møtest to–tre gonger per år for diskusjonar rundt overordna problemstillingar
• Energihovudstadkonferansen: vert arrangert ein gong per år
• Kunnskap og kompetanse: bidra med kunnskap og innspel til næringspolitisk arbeid