Rektorar og avdelingsleiarar på skuleleiarkonferansen
Suldal kommune
Dei utfordrande områda i skulen
Konferansen sette fokus på korleis skuleleiinga handterer dei utfordrande områda i skulen. Korleis møte ein kultur der det er vanskeleg å sette grenser og stille krav, både til foreldre, elevar og tilsette? Korleis arbeider skulen med aggressive elevar, vald og bekymringsfullt skulefråvær? Kan statsforvaltaren vere ein støttespelar i vanskelege saker som skulen har utfordringar med?
Ein balansekunst
Det blei framheva at skuleleiing er ein balansekunst mellom forventningar frå mange ulike aktørar og lovverk, kombinert med ein kvardag som inneber arbeid med menneske. Difor er det viktig at skuleleiarane kontinuerleg utviklar og kompetansehevar seg for å kunne møte desse utfordringane på ein god måte. Gjennom slik utvikling kan me jobbe for at skulen er ein trygg og god læringsarena for alle.
Me tek med oss mange nyttige refleksjonar i arbeidet vårt ved Suldalsskulen.