På Erfjord skule
rydda dei stranda og hadde ulke aktivitetar i skulegarden. Her planta dei blant anna agurkfrø i mjølkekartongar, hadde quiz, hadde søppelstafett og sorterte søppelet dei plukka.
Visste du at:
- Naturen brukar 600 år på å bryte ned eit fiskesnøre?
- Ein tyggis blir liggande på bakkeni 5 år før han brytast ned?
- Eit ubrukt kaffifilter skal kastast i restavfall, mens eit brukt skal kastast i matavfall?
På Vinjar skule
har dei ulike klassane hatt kvar sitt tema: 1. til 4. klasse har hatt tema resirkulering. Dei har laga vase og blom at mjølkekartong, papp og korkar. Dei har også hatt sorteringsstafett, og 4. klasse har besøkt miljøstasjonen i Gåsavika på Sand for å sjå korleis dei sorterer søppel. 5. klasse har hatt tema laksen og lågen og har fått omvisning i Klekkeriet på Ritland. 6. klasse har hatt tema skogen og lært om artsmangfald og økosystem, og vore på ekskursjon i skogen. 7. klasse har hatt tema vasskraft og elektrisitet og fått omvisning i småkraftverka på Stråpa.
På Nesflaten skule
oppdaga elevar og lærarar kor flinke folk er til å ta vare på nærmiljøet sitt - her var det ikkje så mykje søppel å plukke. Med fokus på ombruk har elevane laga bokmerker av eggekartongar som blei til pappamasjè, og som dei seinare dekorerte.
På Sand skule
har barnetrinnet hatt fokus på fuglar. Elevane har registrert fuglar, øvd på fuglelydar, og lært korleis ein kan leggja til rette for fuglar der ein bur. Somme har snikra fuglekassar og laga fuglemat.
I Kjølvikstølen barnehage
har borna vore på søppeljakt. Deiann lite søppel, noko som tyder på at barnehagen har eit rent nærmiljø å boltra seg i.