Marvik skule
Marvik skule
Skeisebane
Etter skuleslutt tysdag 6. januar sørga vaktmeister Reidun for å spyle vatn på isen, men først hadde elevane brukt heile dagen på å koste vekk snøen. For ein innsats og samarbeid!
Sidan då har det vore vanskeleg å få elevane inn etter friminutt… Når ein kan leike i snøen, skli på magen på isen og lage snøfigurar, kven vil vel inn?
Aketurar
Torsdag 8. januar tok mellomtrinnet turen til akebakken hos lærar Anette. Der vart det fart og moro – og sjølvsagt pølser og pinnebrød på bål! Dei minste har også hatt sine turar og kost seg med aking i kroppsøving.
Smil, latter og raude kinn har prega oppstarten på 2026 på Marvik skule. Glade elevar og glade vaksne!