Øving og tradisjonar på Nesflaten skule
På Nesflaten skule har denne veka vore prega av den årvisse oppkøyringa til nasjonaldagen. Elevane har arbeidd med å lage klassefaner og har gjennomført prøvetog i nærområdet. Slik får dei både øvd seg og bygd forventning fram mot den store dagen.
Ærefullt oppdrag ved bautaen
På sjølve 17. mai er det, som tradisjonen tilseier, elevar frå skulen som står for den høgtidelege markeringa ved bautaen. I år er det Sofia Harhala og Sina Laurensson Vetrhus som har fått det ærefulle oppdraget med å halda tale og stå for kransenedlegginga.
Tjuvstarta feiring i Vinjar barnehage
Også i Vinjar barnehage har nasjonaldagen fått stor merksemd denne veka. Der har dei tjuvstarta feiringa med ein innhaldsrik aktivitetsdag. Barna har fått prøva seg på ulike aktivitetar som pilkast, ballkast og bowling, før dei samla seg til sitt eige 17. mai-tog med song og heiarop.
Mat, glede og fellesskap
– Det var god stemning og stort engasjement blant både små og store, fortel barnehagen.
Dagen vart avslutta slik ein 17. mai-feiring skal vera, med pølse i brød og fruktspyd til dessert – til stor begeistring for deltakarane.
Tradisjonar som samlar
Engasjementet i både skule og barnehage viser kor viktige tradisjonane er, og korleis dei vidarefører fellesskap, glede og stoltheit i lokalsamfunnet.
Suldal kommune ynskjer alle innbyggjarar ei flott og minnerik feiring av nasjonaldagen.