Høyring barnehage- og skulebruksplan

Kort fortalt

Saka barnehage- og skulebruksplan er på høyring frå 1. juli - 12. september. 

Kven kan gi innspel?

Me ønskjer at alle som har meiningar, spørsmål eller innspel til forslaget, deltek i høyringa. 

Me treng dine perspektiv for å ta gode avgjerder for framtida til barna våre.

Gje dine innspel her. 

Kvifor ny plan?

Frå 2025 til 2035 er det venta ein nedgang på over 100 barn i alderen 0–16 år i Suldal. Dette krev at me organiserer barnehage- og skuletilbodet på ein måte som sikrar kvalitet, likeverd og berekraft – både fagleg og økonomisk.

Planen byggjer på:

• Vedteke mandat frå kommunestyret
• Analyse av demografisk utvikling
• Rapportar frå Norconsult og KS Konsulent
• Medverknad frå innbyggjarar, tilsette, føresette og barn

Endringar frå barnehage- og skuleåret 2026/27:

Vinjar oppvekstsenter:

• Vinjar barnehage og Vinjar skule blir slått saman
• Nesflaten skule blir lagt ned frå 01.08.26, elevar overførast til Vinjar oppvekstsenter
• Vinjar barnehage avd. Nesflaten blir lagt ned frå 01.08.26
• Kommunen vil rettleia om mogleg familiebarnehage på Nesflaten

Jelsa og Erfjord:

• Jelsa oppvekstsenter sin skuledel blir lagt ned frå 01.08.26, elevar overførast til Erfjord skule
• SFO-tilbod for Jelsa-elevar blir gitt i Stølane barnehage avd. Jelsa
• Barnehagedelen på Jelsa blir vidareført som avdeling under Stølane barnehage

Stølane oppvekstsenter:

• Stølane barnehage og Erfjord skule blir slått saman til Stølane oppvekstsenter i 2029

Ropeidhalvøya – vidare utgreiing våren 2026:

• Gjeld framtidig barnehage- og skuletilbod
• Dagens barnehage i leigde, lite eigna lokale
• Marvik skule har store tekniske og plasseringstekniske utfordringar
• Utgreiinga skal vektlegge kvalitet, bemanning, læringsmiljø, ressursutnytting og barns beste

Planlagde forprosjekt og prosjekteringar:
 

2026:

1. Stølane oppvekstsenter
2. Påbygg Sand barnehage Joagarden

2027:

1. Oppgradering Stølane barnehage, avd. Jelsa
2. Endra behov ved Sand skule
3. Endra behov ved Vinjar oppvekstsenter

Andre punkt:

1. Barnehagar med under 10 plassar i meir enn eitt år blir lagt ned. Rettleiiing om familiebarnehage blir gitt
2. Full pedagogdekning skal etterstrebast i alle einingar
3. Prøveordning med ungdomstrinn frå Nesflaten på Sand skule blir permanent frå 01.01.26
4. Ny ungdomsskule på Sand blir ikkje utgreidd vidare – eksisterande bygg skal utbetrast
5. Eiga sak om sal/etterbruk av bygg og FDVU-kostnader kjem i 2027
    

Visjon for framtida

Kommunedirektøren tilrår å satse på færre, men meir robuste og tverrfaglege einingar – oppvekstsentra – for å sikre:

• Høg kvalitet i tilbodet til barn og elevar
• God ressursutnytting
• Sterke fagmiljø

Her kan du lese forslag til vedtak.  (PDF, 226 kB)

Her kan du sjå alle vedlegg til saka