Barnehagestyrarane på konferanse
Edita Komar
Frå venstre:
- Katarzyna Mysiara – Kjølvikstølen barnehage
- Gerd Kolstø – Stølane barnehage
- Britt Elin Håranes – Jelsa oppvekstsenter
- Svein Carlos Gjil – kommunalsjef
- Kari Steine – konstituert leiar, Sand barnehage
- Laila Stødle – påtroppande leiar, Sand barnehage
- Ingvild Vold Tveiten – Vinjar barnehage
Barnehage for en ny tid
Barnehagelaget deltok på den nasjonale barnehagekonferansen «Barnehage for en ny tid». Her har dei fått ny inspirasjon og fagleg påfyll om korleis me kan utvikla barnehagane våre vidare – med barns beste i sentrum.
Barnehagen er ikkje lenger berre ein plass for dei minste – det er ein viktig arena for danning, leik, læring og livsmeistring. Men sektoren står også i store endringar: færre søkjarar til barnehagelærarutdanninga, krav til kvalitet og bemanning, og eit samfunn i rask utvikling, også her i Suldal.
– Me kjem heim med nye perspektiv og idear som me tek med oss inn i utviklinga av barnehagane i Suldal. Dette handlar om framtida til barna våre, og det er viktig at me er med og formar den, seier kommunalsjefen.