Søk støtte frå Kilane-Bog-fondet

Fondet skal bidra til å auke livskvaliteten og fremje helse for eldre og sjuke gjennom meiningsfulle aktivitetar. Aktivitetane må vere retta mot eldre og/eller mot personar med kroniske sjukdommar eller funksjonsnedsettingar i Suldal kommune.  

Fondet består av testamentariske gåver gitt til Suldal kommune for å hjelpe eldre og sjuke i kommunen. I 1958 fekk tidlegare Erfjord kommune og Sand kommune kr 10.000 kvar i frå Torger Kilane til «gamlehjem eller liknende formål». I 2022 fekk kommunen ei testamentarisk gåve i frå 2022 i frå Gerd Johanna Farmannsvik Bog til «hjelp for gamle og sjuke». Det kan kome nye testamentariske gåver som vil bli tillagt fondet.
 

Kommunestyret oppnemner eit fondsstyre som skal ha 5 medlemmer og eitt varamedlem. Fondsstyret skal ha brei samansetning som femnar kommunen, men med minst ein representant frå Sand og ein representant frå Erfjord. Fondsstyret sit i 4 kalenderår og følger valperioden til kommunestyret. 
 

Fondsmidla vert plassert på høgrentekonto, men slik at minimum kr 200.000,- er disponible til ei kvar tid. Renter vert ført til fondet. Budsjett og rekneskap for fondet vert lagt til det budsjettet og den rekneskapen som kommunen fører, og skal vera i samsvar for føresegnene for dette. 

Styret kan dele ut inntil kr 200.000,- i året.

Frivillige lag og organisasjonar og offentlege verksemder i Suldal kommune

Du kan få støtte til arrangement, gruppetrening, kulturelle tilbod, læring og meistring, utstyr og andre aktivitetar som fell under føremålet. Det blir ikkje gitt støtte til ordinær drift eller til utstyr og aktivitetar som kan bli dekka av andre ordningar.  
 

Søknadsfristen er 1. februar kvart år.

Det er digital søknad med innlogging via bank-ID. 

Søknadsskjema for støtte frå Kilane-bog-fondet

Søknaden skal innehalde ei kort skildring av planlagde aktivitetar, budsjett og forventa tal deltakarar. Frist for å nytte midlane er 31.12 same år. Søker må levere ein kort sluttrapport innan 1. februar påfølgande år. 

Det skal leggjast fram ei årsmelding om fondet si verksemd for kommunestyret kvart år. 

Vedtektene kan endrast av kommunestyret.

Søknadsfrist for tildeling av støtte i 2025 er 1.september.