Digihelse – enkel og trygg kontakt med helsetenesta i Suldal

Med Digihelse kan du enkelt følgje opp tenester du får frå kommunen, til dømes:

Sende og motta meldingar til og frå helse- og omsorgstenestene, som blant anna heimesjukepleie, praktisk bistand eller psykisk helseteneste.

Sjå avtalar om heimebesøk, til dømes når heimesjukepleien kjem, og avbestille besøk som ikkje passar.

Få varsel på SMS eller e-post når heimebesøk er utført.

Gi fullmakt til pårørande, slik at dei kan hjelpe deg med tenesta.

Få oversikt over tenester som avlastning eller helsetenester i heimen.

Alle meldingar og endringar blir registrerte direkte i kommunen sitt journalsystem (EPJ). Løysinga er sikker og krev innlogging med BankID eller annan godkjend e-ID.

Meldingane du sender på helsenorge.no kan erstatte beskjedar og spørsmål som du tidlegare berre har gitt på telefon, papir eller andre måtar. ​

Når du tek kontakt med helse- og omsorgstenestene i Suldal kommune via helsenorge.no, vil dei svare deg via helsenorge.no.​

Du kan forvente å få svar første arbeidsdag etter at du har sendt ei melding. ​

Meldingane frå deg blir berre lese av tilsette i helse- og omsorgstenesta som har lov til å sjå opplysningane om deg. ​

Du vil få varsel om nye meldingar til deg på tekstmelding eller e-post, avhengig av kva du føretrekk. Du styrer sjølv kva varslar du vil ha via helsenorge.no

Suldal bu- og aktivitet

• Praktisk bistand
• Helsetenester i heimen
• Avlastning

Suldal heimesjukepleie

• Praktisk bistand
• Heimesjukepleie (Helsetenester i heimen)

Psykisk helse

• Psykisk helseteneste