Kommunal næringsstøtte til landbruket

Tilskotsordninga skal støtta tiltak og investeringar i landbruket som medverkar til: 

• Auka lønsemd
• Produksjon
• Tal bruk i drift
• Rekruttering
• Busetjing
• Berekraft for natur, miljø og klima

Tilskotsordninga skal også:

• Sikra og utvikla eksisterande sysselsetting og verdiskaping i landbruket
• Utvikla nye produksjonar med tanke på busetnad i heile kommunen og alle grender
• Simulera til generasjonsskifte og rekruttering til næringa
• Stimulera til at alle ressursar på gardsbruket blir nytta, både i inn- og utmark
• Stimulera til at Suldalslandbruket styrkar si eiga verdiskaping samstundes med produksjon av fellesgode som eit godt forvalta natur- og kulturlandskap
• Bidra til å oppretthalda ein mangfaldig og variert bruksstorleik i heile kommunen. Summen av både heiltids- og deltidsbruk er viktig for lokal, regional og nasjonal matproduksjon, og eit miljømessig, økonomisk og sosialt berekraftig jord- og skogbruk

• Du må vera MVA-registrert for å kunne søkja om kommunal næringsstøtte til landbruket (gjeld ikkje revepremie).
• Du må søkja om støtte før du starter tiltaket. Me gir ikkje støtte dersom tiltaket er starta
• Kostnadsgrunnlag for tilskot er eks. mva
• Eigar eller brukar av landbruks- eller utmarkseigedom i Suldal kan søkja om tilskot. etter dette regelverket . også fellestiltak. Du må visa til tiårig skriftleg leigeavtale dersom tiltaket skjer på leigd grunn
• Søknad om støtte frå Innovasjon Norge skal vere sluttbehandla før det blir gjort vedtak om kommunalt støtte, men søknadane kan sendast inn samstundes til kommune og IN.
• Me gir ikkje støtte til personar over 65 år (dette gjeld ikkje for søknad om støtte til skogkulturtiltak og revepremie)
• Skogeigarar med meir enn 10 dekar produktiv skog kan få støtta retta mot skogbruket
• Ti års drift etter sluttgodkjenning av tiltaket på eigedomen. Blir drifta avviklainnan ti år kan kommunen krevja tilskotet tilbakebetalt, med 10% nedtrapping for kvart år.
• Det er ditt ansvar at tiltaket er i tråd med gjeldande lovar og reglar

Etter du har søkt - sakshandsaming:

• Søknader skal vere skriftlege. Kommunen set krav til søknader og dokumentasjon, jf. søknadsskjema. Søknader blir handsama fortløpande, og kan knytast opp mot ev. søknad til Innovasjon Norge (IN).
• Søknad om støtte frå Innovasjon Norge skal vere sluttbehandla før det blir gjort vedtak om kommunalt støtte, men søknadane kan sendast inn samstundes til kommune og IN.
• Tilskot til skogkultur blir utbetalt gjennom Statsforvaltaren (Altinn el. skjema LDIR -909)
• Sakshandsamar skriv vedtak, fastsett standard arbeidsfrist 3 år og vilkår som gjeld for
tilskotet.
• Det kan søkjast om utsett arbeidsfrist, men ikkje meir enn totalt 2 år.
• Søkjer kan få delutbetalingar undervegs i tråd med framdrift av tiltaket. Minst 25% av tilskotet skal haldast tilbake til sluttgodkjenning
• Dersom budsjettposten er oppbrukt må nye prosjekt venta til året etter.
• Ubrukte budsjettmidlar eit år skal overførast til fond for bruk seinare år
• LMT-utvalet kan gjere unntak frå reglene når særlege grunner taler for det
 

• Me prioriterer først og fremst nybygg- og ombygging til lausdrift for mjølkeproduksjon og ammeku, og har avsett kr 3 000 000,- i budsjett 2024 og handlingsprogram for Suldal kommune 2024-2026 til dette
• Eksisterande pott på kr 1750 000,- nyttar me til dei andre støtteordningane
• Me støtter ikkje bygningsinvesteringar husdyrproduksjon under kr 500 000
• Investeringar nybygg/ombygging til husdyrproduksjon kan til saman frå Innovasjon Norge (IN) og kommunen få inntil 55% støtte
• Me kan gjera unntak frå reglane om maksstøtte etter ei konkret og individuell vurdering

Tilskot kan krevjast tilbakebetalt, heilt eller delvis, dersom noko er i strid med regelverket eller brot på vilkår for tildeling.
Krav om tilbakebetaling blir framsett av LMT-utvalet.
Krav om tilbakebetaling kan ikkje setjast fram seinare enn 10 år etter utbetaling av tilskot. 

Ordninga er gyldig frå og med 06.02.2024

Kontakt bygdeutvikling ved Elin Tjordal for meir informasjon.