Organisering og forpliktingar
For å oppnå gode resultat er det viktig med gjennomtenkt og strategisk planlegging. Syngande kommunar forpliktar seg difor til å organisera, gjennomføra og rapportera på songtiltaka sine.
Organisering
Kommunen skal:
- peika ut ein fast kontaktperson mot Krafttak for song
- oppretta eit lokalt sangutval som sikrar at songtiltak blir initierte, koordinerte og godt forankra i organisasjonen
- arrangera eit opplæringsmøte i samarbeid med Krafttak for song, der alle medlemmene i sangutvalet deltek
- arrangera ei oppstartsamling / oppstartsfest og leggja til rette for brei deltaking frå relevante aktørar i kommunen
- leggja til rette for gjennomføring av dei årlege fagdagane
Planlegging og rapportering
Kommunen skal:
- kartleggja eksisterande songtilbod og identifisera eventuelle grupper av innbyggjarar som manglar eit tilbod
- utarbeida ein årleg tiltaksplan, samt ein langtidsplan for den treårige utviklingsperioden
- rapportera munnleg om nye og gjennomførte songtiltak, samt bruk av tilskotsmidlar i desember
- føra rekneskap
Publisert 07.04.2026 11.30