Distriktsmusikar-ordninga starta opp for meir enn 25 år sidan i Suldal, og er ei gruppe med profesjonelle musikarar som er tilsette i kommunen.
Ensemblet held konsertar, både i Suldal, rundt om i Ryfylke og i regionen elles – også saman med andre musikarar. Dei tar og imot oppdrag frå lag og organisasjonar som er heimhøyrande i Suldal. I kulturskulen er musikarane lærarar på sine instrument, og aktive i prosjekt og samarbeid med dei andre lærarane.
Xenia Berkova
Xenia Berkova kjem frå Slovakia. Ho har studert fiolin ved Konservatoriet og Høgskolen i Bratislava i Slovakia, ved Høgskolen i Stavanger og har ferdig doktorgrad utdanning i Akademie i Banska Bystrica i Slovakia. Xenia har spela i Bratislava Chamber Soloists, Slovak Filharmoni Orchestra, Stavanger Symfoniorkester, Musica Eterna barokk ensemblet, Harald Hårfagre kammerorkester. Ho har vore konsertmester i NORD symfoniorkester og MUNOR-ensemblet. Ho har også spelt på festivalar i Europa, teater og kabaretar, gitt ut plater med Rinaldo folkmusikk og med filmmusikk. Ho var med på musikkonkuranse og vann 2. plass i Slovakia. Ho var på meisterklassar for bl.a. med Alexander Arenkov, Evgenia Chugajeva, Zakhar Bron, Christian Altenburger og Evgeni Grach. Ho har vore tilsett i distriktsmusikargruppa sidan 2004 og liker også å spela bratsj og hardingfele.
Benedicte Årsland
Benedicte Årsland er fødd og oppvaksen i Stavanger. Ho har studert cello på Norges musikkhøgskole i Oslo, ved Sibelius Akademiet i Helsinki og på Folkwang University of Arts i Essen, Tyskland. I tillegg til jobben som distriktsmusikar i Ryfylke, speler Benedicte i det prislønna strykeorkesteret Ensemble Allegria. Saman med Ensemble Allegria har Benedicte gitt ut fleire plater, tre av desse er blitt nominert til Spellemannsprisen. I tillegg til Ensemble Allegria har Benedicte spelt med orkester som Det Norske Kammerorkester, KORK, Stavanger Symfoniorkester og Kristiansand Symfoniorkester. Benedicte er også ein aktiv lærar, og har tidlegare vore ein del av lærarteamet ved Barratt-Dues talentutviklingsprogram for barn og unge.
Veerle Haug Tieghem
Veerle Haug Tieghem studerte piano og akkordeon ved konservatoriet i Gent (Belgia) hjå Johan Duijck (piano) og Philippe Thuriot (akkordeon). Sidan barndommen har ho vore aktiv i ulike ensemble, både i ein firhendig pianoduo saman med broren sin og som pianist i ein pianotrio. Begge ensemblea deltok i konkurransar frå ung alder og fekk gleda av å framføre musikk på internasjonale scener. Veerle har også alltid vore ein aktiv korsongar, både i barnekor og seinare i det lokale koret i Izegem, der heile familien deltok gjennom oppveksten hennar. I 2012 flytta Veerle til Suldal for å bli distriktsmusikar. Ein jobb mange pianistar og musikarar drøymer om. Å få vere utøvande musikar og lærar på heiltid, med fritt spelerom til å setje opp både store og små konsertar, er eit sjeldsynt gode som ein ikkje lenger finn mange stader. Å spele saman med andre er framleis det viktigaste. I Suldal finst det eit hav av moglegheiter for dette, og i tillegg til å spele i Distriktsmusikargruppa er Veerle også aktiv som akkompagnatør for to kor. Ho set òg opp konsertar saman med ektefellen sin, som er komponist, gitarist og bygda sin organist.
Distriktsmusikarane tar i mot oppdrag frå lag og organisasjonar som er heimehøyrande i Ryfylke. Dette er eit gratis tilbod. Ta kontakt seinast 10 dagar før.