Det interkommunale hjorteviltutvalet
Tellinga går i regi av Det interkommunale hjorteviltutvalet, eit samarbeidsorgan for hjorteviltforvaltning.
Suldal kommune er ein del av Det interkommunale hjorteviltutvalet saman med kommunane Bokn, Etne, Haugesund, Karmøy, Sauda, Sveio, Tysvær og Vindafjord. Det har blitt utarbeida ein felles forvaltningsplan med mål for heile Haugalandet.
Kommunens ansvar knytt til hjortevilt:
- Utarbeide målsettingar for forvaltning av artane
- Fastsette minsteareal
- Tildele fellingstillatingar på elg, hjort og rådyr.
- Arbeide for å sikra berekraftige hjorteviltbestandar, som ikkje gir uakseptable ulemper for andre samfunnsinteresser
- Godkjenne vald, bestandsplanar og bestandsplanområder
- Ivareta jaktrettshavarens rettigheitar
Bil og lyskastarar
Det blir talt hjort langs faste ruter som er like frå år til år. Dette blir gjort på seks bestemte datoar og til bestemt tid på døgnet.
I tellinga blir det nytta bil og lyskastarar. Det kan difor vera at du kjem til å sjå dei på kveldstid, då dei vil lysa ut på ekrene frå vegen.
Sett hjort
Jegerane sine observasjonar er eit av dei viktigaste bidraga til kartlegging av hjortebestanden si utvikling og forvaltning av hjortevilt. Innsamling og systematisering av jegerobservasjonar skjer på Hjorteviltregisteret.no, eller på appen Sett og skutt.
Last ned appen Sett og skutt
Sett hjort-data og slaktevekter kan du registrera digitalt på appen Sett og skutt. Denne løysinga er tilpassa både PC, nettbrett og smarttelefon.
Data må godkjennast i hjorteviltregisteret før dei vert tilgjengelege i statistikken. Valdleiar kan få tilgong til godkjenning av registrerte data i hjorteviltregisteret.
Digitalt registrerte data vert tilgjengelege på hjorteviltregisteret.no så snart dei er godkjende av valdleiar eller kommunen.
I hjorteviltregisteret finn du Sett hjort- data og slaktevekter frå 2008.