Hjorteviltregisteret.no
Tideling, felt dyr og annan statistikk er og tilgjengeleg på https://hjorteviltregisteret.no/ under Statistikk.
Du treng ikkje innlogging.
Fellingsavgift
For å jakte hjort og elg må du betala fellingsavgift. Denne blir fakturert etter jaktslutt. Fellingsavgift blir rekna for alle felte dyr, også “kvotefrie” kalvar.
Jakttider i Suldal
Hjort og elg
Jakttid for hjort er 01.09 til 23.12.
Jakttid for elg er 25.09 til 23.12.
Rådyr
For rådyr er jakttida 25. september - 23. desember, men du kan jakta råbukk frå 10. august.
Vær varsam med mordyr og kalv/kje
Me oppmoder jegarane til å vera varsame med mordyr og kalv/kje. Unngå etter beste evne å skyte mordyr frå kalv/kje. Ein morlaus kalv går ein uviss framtid i møte, då den ikkje har nokon som kan læra den matvaner, åtferdsmønster og trekkrutar.
Kvotefri jakt på hjortekalv
Som eit tiltak for å redusera beiteskade har Miljødirektoratet dispensert frå bestemmelsen i Hjorteviltforskrifta § 18 og gitt Suldal kommune løyve til å tildela kvotefri jakt av hjortekalv for jaktsesongen 2024.
Grunneigar må gi samtykke
Retten til å fella eit fritt tal hjortekalv gjeld alle jaktrettshavarar i valdet, men den enkelte grunneigar må gi samtykke til kvotefri kalvejakt på sin eigedom.