Prøvebu i Suldal

Tenkjer du tanken om å flytta til Suldal? Til eit liv med litt meir tid, og litt meir plass? Du kan søkje fortløpande om ein av rekrutteringsbustadane våre som er ferdigstilte. Sjå lengre nede på sida for å sjå kva rekrutteringsbustadar som er ferdigstilte og ledige.

Deg + Suldal = sant?

Det er ikkje «berre berre» å hoppa i det, og å bygga seg eit hus utan at ein er sikker på at Suldal er framtida. Kva med å «prøvebu» i ein av bustadane våre?

Kva er “prøvebu-ordninga”?

 Me tilbyr prøvebu-ordninga til personar med etterspurt kompetanse. Dette gir deg moglegheita til å prøvebu i Suldal i opptil tre år. Om du trivst, kan du få kjøpe bustaden og eige den sjølv.

Kvifor prøvebu i ein av bustadane våre?

Ingen byggjeprosess: Me byggjer bustaden for deg, slik at du slepp søknadsprosessar og rolla som byggjeleiar.
Rimelege og attraktive bustadar: Bustadene er rimelege og me bygg bustader me gjerne kunne budd i sjølv.
Ingen risiko: Om du vel å flytte etter den treårige leigeperioden, står du fritt til det utan forpliktingar.

Korleis fungerer det?

Søknad

For å søkje om å prøvebu må du ha kompetanse som Suldal har behov for + svare ja på eitt av følgjande spørsmål:

Har du tilbod om fast jobb i Suldal?
Har du tilbod om vikariat (minst 1 år) i Suldal?
Er du sjølvstendig næringsdrivande i Suldal?

Ordninga gjeld jobb i heile Suldal, altså ikkje berre organisasjonen Suldal kommune.

Om du kan svare ja på eit av spørsmåla ovanfor, er du kvalifisert til å søkje.

Alle bustadane har ein søknadsfrist. Hugs å søkje innan fristen.

Søk om å prøvebu her.

Tilbod

Når søknadsfristen er ute vurderer me søknadane opp mot kompetansen Suldal treng no og i framtida.

Om du har den kompetansen Suldal treng, kan me tilby deg ein bustad.

Prøvebu

Du kan prøvebu i bustaden i opptil tre år. Om du trivst, kan du kjøpe bustaden etter prøveperioden.

Status:

Ledige no:

Erfjord
Suldalsosen
Jelsa

Under bygging:

Nesflaten

(Ferdigstilt rundt påske 2026)

Under planlegging:

Vanvik
Ropeidhalvøya

Meir informasjon kjem.

Bustadane på Sand er førebels ikkje ledige.

Leilegheitene på Sand ligg på Eide, rett ved Suldal bad, og Suldalshallen. I dette området ligg også Sand skule, Sand barnehage, Topp Volley Norge og Introsenteret i Suldal. Området ligg ikkje langt frå Garaneset og Sand sentrum, som byr på kafear, butikkar, kulturhus og museum.

Type: Leilegheit
Byggeår: 2024
60 kvm
2 soverom
Balkong
Utvendig bod
Utandørs parkering

Leigepris

Kr. 8 500 i månaden for umøblert
Kr. 9 500 i månaden for møblert

Straum kjem i tillegg

Kjøpspris

Stegåsvegen 2 B: kr. 2 713 817,-
Stegåsvegen 2 C: kr. 2 713 817,-
Stegåsvegen 4 B: kr. 2 713 817,-
Stegåsvegen 4 C: kr. 2 713 817,-

Du får trekt ifrå 50 % av det du har betalt i leigeinntekter ved eit eventuelt kjøp

Søknadsfrist

Fortløpande

Me behandlar søknadane fortløpande.

Bustadane i Erfjord:

Bustadane ligg i Skjerahaug bustadfelt, rett ved barnehage og grendahus. Her har du panoramautsikt mot Bogsfjorden. Rett ved ligg også Habn, med badestrand.

Type: Hus
Byggeår: 2025
86,8 kvm
3 soverom
Terrasse
Innvendig- og utvendig bod
Utandørs parkering