Dette skal utgreiast vidare

Alternativ 0: Ingen endringar i barnehage- og skulestrukturen

Alternativ 0+: Dagens struktur og organisering; ta att vedlikehaldsetterslep og oppgradere til god og framtidsretta standard.

Alternativ 2 a: Elevar frå Nesflaten til Vinjar + oppgraderte bygg

Alternativ 2b: Leggje ned Jelsa. Flytte elevane saman med Marvik skule + oppgradering av bygg til dagens standard

Nesflaten til Vinjar og Jelsa/Marvik til Kjølvik + oppgradering av bygg til dagens standard

• Nesflaten til Vinjar oppvekstsenter Nytt oppvekstsenter i de to nabobyggja på Vinjar. Organisatorisk endring.
• Jelsa/Marvik til Kjølvik oppvekstsenter. Nytt bygg med samanslåing av Marvik skule, Jelsa skule og Kjølvik barnehage.
• Stølane oppvekstsenter: Nytt bygg med samanslåing av Erfjord skule og Stølane bhg.

• Vinjar oppvekstsenter (Vinjar og Stølane)
• 1-10 skule på Sand. Elevar frå Marvik blir overført til Sand skule

• Tysingvatnet som felles skule i sør + deler av alternativ 0-5

Det skal gjerast ei grundig vurdering av barnets beste i alle mogelege strukturalternativ. Eit sentralt punkt er reiseveg, som skal vurderast etter normert reisetid dør–til–dør:

• 45 min for 1.–4. trinn
• 60 min for 5.–7. trinn
• 75 min for 8.–10. trinn

Utgreiinga skal òg synleggjere alternative skyssløysingar, økonomiske konsekvensar av desse, og risikofaktorar – særleg for dei yngste barna.

Utgreiinga skal gi ei kvalitativ vurdering av korleis endringar i barnehage- og skulestruktur kan påverke:

• befolkningsutvikling
• busetnadsmønster
• lokalt næringsliv
• rekruttering og attraktivitet

Arbeidet skal byggje på eksisterande befolkningsframskrivingar (til dømes frå SSB) og ikkje innehalde nye modellar.

Det skal også vurderast korleis kommande næringsprosjekt kan påverke ulike strukturalternativ, blant anna:

• kraftutbygging i Øvre Suldal
• Sterling White Halibut på Helland
• Mibau Stema sine planer

Avgjerder skal byggje på heilskaplege vurderingar av kommunen sine direkte inntekter, ringverknader og lokal verdiskaping.

Utgreiinga skal:

• sjå på økonomiske konsekvensar av ulike strukturalternativ
• bruke SSB sine tre befolkningsscenario (låg, moderat og høg vekst)
• vurdera strukturalternativ i lys av FNs berekraftsmål 4 og 11

Kommunen skal vurdere korleis pedagogdekninga kan styrkast, uavhengig av kva struktur som blir valt. Det skal lagast forslag til tiltak for rekruttering, kompetansefordeling og vidareutdanning.

Det skal òg leggjast til rette for ein pilot for fjernundervisning, slik at fagmiljø kan delast på tvers av grender og bidra til betre ressursutnytting og kvalitet.

Tryggleik og beredskap skal vere ein integrert del av vurderingane. Utgreiinga skal sjå på:

• vinterforhold
• tryggleik rundt transport
• skule- og barnehageveg året rundt
• risikoreduserande tiltak

Effekten av Rødsliane tunnel skal vurderast som ein del av framtidig struktur.

Alle innspel frå del 1 skal leggjast til grunn og synleggjerast i vidare arbeid og anbefalingar. Det blir ikkje gjennomført ny brei medverknad no.

Det skal leggjast fram fleire realistiske alternativ for tenesteorganisering, basert på måla i punkt A–F.

Ei minimumsstandard for kva som kan reknast som eit reelt alternativ skal definerast, til dømes innan:

• barnets beste
• reiseveg
• kostnad
• kapasitet
• ROS
• læringsmiljø

Også Tysingvatnet skal vurderast som mogleg felles skulelokalisering i sør.