Koordinering- og oppfølging

Koordinerande eining skal bidra til å sikra eit heilskapleg tilbod til pasientar og brukarar med behov for langvarige og koordinerte tenester. Me samarbeidar på tvers av fagområder, nivå, sektorar og legg til rette for brukarmedverknad. Koordinerande eining:

• Kartlegg og vurderer hjelpebehovet
• Skal ha oversikt over tenester som er tilgjengelige i Suldal kommune
• Formidle kontakt med dei som er aktuelle for deg
• Sikre at dei ulike tenestene du får fungerer saman
• Gjer vedtak og sikrar framdrift i arbeidet med individuell plan

Kven kan få tilbod om tenesta?

Pasient og brukarar som har behov for langvarige og koordinerte tenester kan ha rett på å få oppnemnd ein koordinator og utarbeida ein individuell plan.

Ein må henvenda seg til koordinerande eining ved tildelingskontoret. Det kan ein gjera ved å nytte søknadsskjema. Den som treng hjelp, familie, pårørande og fagfolk kan ta kontakt med oss. Koordinerande eining handsamar søknaden og du blir invitert i møtet når saka skal handsamast.

Kva kostar det?

Tenesta er gratis

Kva skjer vidare?

Leiar ved koordinerande eining vil ta kontakt så snart som råd etter at søknaden er motteken og avtale møte i koordinerande eining.  Vurderinga skjer i samråd med deg og  andre fagpersonar dersom du mottek tenester frå før.

Klage

Sakshandsamar kan gi rettleiing dersom du har behov for å klage på eit vedtak

Det skal vera trygt og godt å veksa opp i Suldal. Av og til oppstår likevel utfordringar som gjer at ikkje alle har det så bra. 

I Suldal kommune følgjer me BTI-modellen for å sikre at barn og unge får den hjelpa dei treng.

Familiar som ventar eller har born med alvorleg sjukdom skade eller nedsett funksjonsevne, og som vil ha trong for langvarige og samansette eller koordinerte helse- og omsorgstenester og andre velferdstenester, har rett til barnekoordinator i samsvar med helse- og omsorgstenestelova §7-2 a.

Det er familien som har rett til barnekoordinator. 

Koordinerande eining i Suldal kommune har overordna ansvar for oppnevning, opplæring og rettleiing av barnekoordinator.

De får vedtaket om barnekoordinator skriftleg, og kan klage på den om de ønskjer.

Kontakt tildelingskontoret