Helsesjukepleiar i skulen

Me er på dei ulike skulane til faste tider. Skulane informerer elevane og heimane om kva dagar me kjem. 

Dersom du ønskjer å snakka med oss treng du ikkje å avtala tid på førehand. Du kan berre koma innom. 

Me gir råd og rettleiing til korleis barn og unge kan ta vare på eiga helse, og å klare dei utfordringane kvardagen og livet gir oss. Me vil bidra til at barn får hjelp når noko er vanskeleg, og ønskjer å vera ein støtte for barn og familiar i sårbare faser i livet. 

Me tilbyr helsesamtalar, råd og rettleiing. Til tidlegare me blir kjende med kva som er vanskeleg for barnet, jo lettare kan me hjelpa. 

Ja, me har teieplikt og gir ikkje opplysningar til skulen utan samtykke frå elev/foreldre/føresette. 

Dersom me får informasjon som kan vera til skade for barnet må me likevel bringa dette vidare. Dette blir for det meste gjort med barnet eller foreldra sitt samtykke. 

Me kan samarbeida med andre tenester om det er ønskjeleg: 

• Skulen
• Lege
• PPT
• Barne- og familieteam

Me deler likevel ingen informasjon før foreldra har gitt samtykke til det.