Helsestasjon

Jordmor og lege samarbeider om svangerskapskontrollane, som er gratis. Me samarbeider også med gynekologisk poliklinikk ved Haugesund sjukehus i risikosvangerskap.

Første kontroll er ca i 8-12 svangerskapsveke, eller før ved behov/ønske. På første kontroll vil du få tilbod om ultralydundersøkelse og me henviser deg for time til sjukehuset. Du får vanlegvis time mellom 17-19 svangerskapsveke.

Alle gravide får tilbod om kikhostevaksine i veke 24 av svangerskapet. 

Vaksina beskyttar barnet mot kikhoste frå fødsel og fram til barnet får første vaksinedose ved 3 månads alder. Kikhoste kan gi alvorleg luftveisinfeksjon hos spedbarn som ikke er vaksinerte.

Me oppmoder alle gravide fra og med veke 24 til å ta kontakt med helsestasjonen. Vaksina er gratis, og er ein del av barnevaksinasjonsprogrammet. 

Du kan kontakte helsestasjonen på tlf. 52 79 23 10 viss du har spørsmål eller vil bestilla time.

Ringe jordmorvakt

Når du ringer legevaktsentralen 116117 får du tak i jordmor eller lege som har vakt.

Tilbod om jordmorfølgje til sjukehuset

Når du skal føde kan du få tilbod om ambulanse eller jordmorfølgje til sjukehuset. Nokon reiser også med privat transport. Dette blir vurdert individuelt. 

Når du er kjem heim frå sjukehuset tar helsestasjonen kontakt med deg og avtalar tid for heimebesøk.

Du kan også ta kontakt med oss når du kjem heim dersom du ønsker tidleg heimebesøk. 

Ring helsestasjonen på telefon 52 79 23 10

Du får tilbod om etterkontroll hos jordmor eller lege 6-8 veker etter fødselen.  

Du må ha med urinprøve til etterkontrollen.

Du blir skriven ut frå barselavdelinga etter ca. 3 dagar. Barselkvinner og familie kan få tilbod om overnatting på eit familierom på sjukehuset. Ved normal fødsel kan du flytte til familierom etter 4 timar.

Me kallar jamleg alle barn inn til konsultasjonar på helsestasjonen. Du kan også sjølv ta kontakt med oss dersom du har behov. 

Rettleiing og støtte

På helsestasjonen kan du få rettleiing og støtte i spørsmål om vekst, utvikling og samspel og tilknyting hos barnet ditt.

Tema me kan hjelpa med kan vera:

• Amming og ernæring
• Reaksjon etter svangerskap og fødsel
• Stell av sped- og småborn
• Søvn
• Språkutvikling
• Grensesetting
• Leik

Helsestasjonen gir tilbod om rettleiing individuelt, eller i grupper.

Når du har født, vil helsestasjonen få beskjed om dette frå sjukehuset. Ein helsesjukepleiar vil kontakta deg for å avtala tid for heimebesøk.

Når du har adoptert eit barn skal du ringa til helsestasjonen tlf. 52 79 23 10. 

Barnet ditt vil då få oppfølging og tilbod om helseundersøking og vaksinasjon ved ulike alderstrinn. Du kan også få rettleiing og støtte i spørsmål om vekst, utvikling og trivsel hos barnet.

Lege og helsesjukepleiar kan henvisa barn og familiar med spesielle behov til andre helsetenester. Familiar kan også sjølv ta kontakt ved behov utover faste konsultasjonar. 
 

Hos oss kan du møta

• Jordmor
• Helsesjukepleiar
• Helsesekretær
• Lege

Alle tilbod hos oss er gratis.

Barnet ditt blir vaksinert etter barnevaksinasjonsprogrammet. 

Du kan lesa meir om barnevaksinasjonsprogrammet på FHI sine temasider. 

Her finn du informasjon om helsestasjonstilbodet og oppfølging av foreldre til barn 0-5 år. 

Me er på dei ulike skulane til faste tider. Skulane informerer elevane og heimane om kva dagar me kjem. 

Dersom du ønskjer å snakka med oss treng du ikkje å avtala tid på førehand. Du kan berre koma innom. 

Me gir råd og rettleiing til korleis du kan ta vare på eiga helse, og å klare dei utfordringane kvardagen og livet deg. Me vil bidra til at du får hjelp når noko er vanskeleg, og ønskjer å vera ein støtte for deg og familien din i sårbare faser i livet.  

Me tilbyr helsesamtalar, råd og rettleiing. Til tidlegare me blir kjende med kva som er vanskeleg for deg, jo lettare kan me hjelpa. 

Ja, me har teieplikt og gir ikkje opplysningar til skulen utan samtykke frå deg og/eller dine føresette.  

Dersom me får informasjon om at du opplev noko skadeleg, fysisk eller psykisk, må me likevel bringa dette vidare etter å ha snakka med deg først. 

Me kan samarbeida med andre tenester om det er ønskjeleg: 

• Skulen
• Lege
• PPT
• Barne- og familieteam

Me deler likevel ingen informasjon før foreldra har gitt samtykke til det.

Helsestasjon for ungdom er eit tilbod som er for deg i alderen 13-20 år, og som bur i Suldal kommune

Me har drop-in på torsdagar frå kl. 13-14.30. 

Du kan også ringa oss om du vil, på tlf: 52 79 23 10. 

Du finn oss på Helsetunet på Sand, til venstre når du kjem inn hovudinngongen.

Det er ingenting som skal vera flaut eller skummelt å dela med oss. Me er her for deg, og snakkar gjerne med deg om alt du tenkjer og lurer på. Me har ikkje lov til å dela det du fortel oss til nokon andre, med mindre du ønskjer me skal gjera det. 

Noko av det me kan hjelpa deg med er: 

• Testing for kjønnssjukdomar
• Spørsmål om seksuell helse
• Rus
• Mat
• Samtale om det du kjenner er vanskeleg
• Resept på p-piller eller annan prevensjon

Dersom du opplev at noko er vanskeleg, og ikkje veit kven du skal snakka med eller kven som kan hjelpa deg, kan du du snakka med oss. Me skal hjelpa deg så godt me kan.