Alle barn har rett til eit trygt barnehage- og skulemiljø

Dersom du mistenker eller opplev at barnet ditt ikkje blir inkludert, eller har ein trygg og god kvardag, må du kontakta styrar/rektor. Barnehagen/skulen har då plikt til å undersøka og å gripa inn raskt.

Utdanningsdirektoratet har laga ein guide med god informasjon til deg som føresett.

Dersom ein tilsett opplev at dette at eit barn opplev krenkingar, eller ikkje har ein god kvardag i barnehage/skule, skal han eller ho alltid:

• Gripa inn og stoppa krenkinga med ein gong
• Sei frå til styrar/rektor
• Undersøka kva som er skjedd
• Setta inn tiltak, og laga ein plan med tiltak som bidrar til at barnet får ein trygg og god kvardag

Me nyttar BTI-modellen (Betre tverrfagleg innsats) for å sikra framdrift og brukarmedverknad dersom ein set inn tiltak.

I aktivitetsplanen skal det minimum stå:

• kva problem som skal løysast
• kva tiltak skulen har planlagt
• når tiltaka skal gjennomførast
• kven som er ansvarleg for tiltaka
• når tiltaka skal evaluerast

Dersom eit barn opplever å bli mobba eller krenka av ein tilsett, har barnehagen og skulen eit ekstra ansvar for å følgje opp saka. Det er strengare krav til å varsla, undersøkja, og setta inn tiltak. Styrar/rektor må òg varsla eigar (kommunen), som vil følgja opp saka vidare. 

Dersom det er ein i leiinga som står bak krenkingane, skal eigaren varslast direkte.

Barnehage

Kommunen som barnehagemynde kan kontrollera barnehagen gjennom tilsyn for å sikra at barnehagen driv i samsvar med regelverket. 

Dersom du meiner at barnehagen ikkje gjer nok for at barnet ditt skal ha det trygt og godt, kan du henvenda deg skriftleg til kommunen. 

Skule

Dersom du eller barnet ditt meiner at skulen ikkje har gjort nok for at eleven skal ha eit trygt og godt skulemiljø, kan du melda saka til Statsforvaltaren. Før du melder saka til statsforvaltaren: 

• må du ha tatt opp saka med rektor på skulen 
• må det ha gått minst ei veke frå du tok opp saka med rektor 

Saka må i tillegg gjelde skulemiljøet på den skulen eleven går på no.  

Er det heilt spesielle tilfelle, kan du alltid ta kontakt med Statsforvaltaren.