17 Foreldrebetaling
Stortinget fastset kvart år maksimalpris per månad og per år for plass i barnehage. Prisen gjeld for eit heildags ordinært tilbod. I samband med den årlege budsjettbehandlinga fastset kommunestyret satsar for foreldrebetalinga. Kommunekassen står for innkrevjing av foreldrebetaling.
Maksimalprisen blir fordelt på elleve månader, der juli er betalingsfri.
Betaling for kost (matpengar) kjem i tillegg.
17.1 Søskenmoderasjon
Reglar for søskenmoderasjon står i kommunen sitt betalingshefte, og blir oppdatert kvart år. Betalingsheftet blir publisert på Suldal kommune si nettside.
Moderasjonen blir gitt på den rimeligaste plassen. Moderasjonen omfattar søsken som bur fast i lag. Barna sjåast for å vera fast busett på den adressa der dei er registrert i folkeregisteret.
Der foreldra har avtalt delt bustad for barnet, skal barnet sjåast for å vera fast busett begge stader/med begge foreldra. Det må då leverast dokumentasjon om samværsavtale (minimum 40 prosent).
17.2 Redusert foreldrebetaling på økonomisk grunnlag og gratis kjernetid
Suldal kommune behandlar søknadar om redusert foreldrebetaling etter dei nasjonale reglane for inntektsgradert foreldrebetaling og gratis kjernetid.
Ein kan søkja om redusert betaling for barn i barnehage når familien sin samla inntekt er under det beløpet som er bestemt nasjonalt.
Ein kan og søkja om gratis kjernetid når barnet bur i eit hushald med låg årsinntekt, etter beløp som er bestemt nasjonalt. Når ein søkjer om redusert foreldrebetaling vil søknaden og gjelda gratis kjernetid.
Det blir ikkje gitt reduksjon i foreldrebetalinga med tilbakeverkande kraft, men frå og med første heile månad etter at søknaden med dokumentasjon er mottatt av Suldal kommune.
Alle skattepliktige inntekter skal oppgjevast, det gjeld og skatteinntekter som ikkje er førehandsutfylt på skattemeldinga.