Tilsyn med barnehagane

Det er Suldal kommune som barnehagemynde sitt ansvar å gje rettleiing, sjå til at barnehagane driv i samsvar med regelverk, føra tilsyn med verksemder etter barnehagelova. Tilsyn kan vera både varsla på førehand og uanmeldte. 

Stadlege tilsyn

Varsla stadleg tilsyn

Dette er den vanlegste tilsynsforma. Tema for innhaldet i tilsynet blir fastsett av tilsynsmynde. Valet er basert på risikovurderingar. Barnehageigar blir varsla om tilsynet og har i forkant høve til å forbetre uttale om tema knytt til barnehagelova og rammeplanen.

Hendingsbasert tilsyn

Denne type tilsyn er basert på aktuelle hendingar eller forhold som kan oppstå i ein barnehage. Tilsynet blir ofte utløyst av klager og bekymringsmeldingar frå føresette, tilsette eller andre. Det hendingsbaserte tilsynet kan vera meldt eller uanmeldt og avdekkjer eit der og då forhold.

 

Dokumentbaserte tilsyn

Dialogmøte

Suldal kommune gjennomfører årleg dialogmøte med samtlege barnehagar. Alle barnehagar skal svare på eit skjema som blir sendt ut. I dialogmøta er det fleire dokumentasjonskrav som skal synliggjera at barnehagen sin struktur- og innhaldskvalitet er i tråd med lovkravet. Dersom tilsynet avdekkjer forhold som avviker fra Lov om barnehagar, blir dette rapportert tilbake til barnehagen med ein tidsfrist for å rette det opp. 

Årsmelding

I midten av desember, kvart år, rapporterer barnehageeigar om barnehagen sin strukturkvalitet til statistisk sentralbyrå (SSB). Rapporteringa gir tilsynsmynde grunnlag for å vurdera om barnehagane oppfyller krav til strukturkvalitet i tråd med krav i lov og forskriftar. Strukturkvalitet inneberer blant anna arealutnytting og pedagogdekning.

 

Legitimitet

For å sikre rettstryggleiken til alle barnehageeigarar i Suldal kommune og sikra legitimitet av arbeidet, er kommunens eigarrolle i barnehagesektoren åtskilt frå myndigheitsrolla. Det betyr at oppgåvene blir utført i eit samarbeid med Sauda og Vindafjord kommunar, og at det er desse som blant anna utfører tilsyn i barnehagane våre. Det kan du lesa meir om her. 

Publisert 27.03.2025 09.17