Suldal Fjellstyre har ansvar for forvaltninga av jakt, fiske og hytteutleige på Suldal statsallmenning. Området strekkjer seg over 92 000 daa i Dyreheio og omfattar også eit mindre areal i Breifonnområdet.
Reinsjakta i statsallmenningen er avgrensa til innbyggarar i gamle Suldal kommune, medan småviltjakt og fiske er ope for alle. Jakt- og fiskekort blir selt via Inatur.no.
Fjellstyret si verksemd er heimla i fjellova, som regulerer korleis rettar og ressursar i statsallmenningane skal utnyttast. Du kan lese meir her: Lov om utnytting av rettar og lunnende m.m. i statsallmenningane (fjellova) – Lovdata.
Medlemmene i fjellstyret blir valde av kommunestyret, men fjellstyret er likevel eit sjølvstendig og frittståande organ.
Styret
- Leiar: Kristian Steine
- Nestleiar og skrivar: Turi Ottersland Tjøstheim
- Kasserar: Lena Notvik Bråtveit
- Hytteansvarleg: Kjell Ove Nærheim
- Styremedlem: Frode Moen