Ordførar Mads Drange Jarle Lunde

Politisk møterunde og studietur

Heldigvis har Torbjørn gjort ein god jobb i månadane som har gått, så det er enkelt å koma i virke. Denne månaden er det full møterunde i alle utval og kommunestyre, med fleire viktige saker på sakskartet. NVE arrangerer også synfaring i samband med kraftutbyggingane i øvre Suldal som både er viktig for oss, men som også legg lista for andre framtidige utbyggingar, kor kraftbehov,  klimatiltak og miljøomsyn skal vektast mot kvarandre. Mot slutten av månaden tek vi imot Tinn kommune som skal igong med kraftutbyggingar og på jakt etter våre erfaringar. Dette deler vi sjølvsagt gladeleg, før eg reiser på ein studietur med KS dei siste dagane i månaden. 

Oppmoding

For mange suldølar handlar imidlertid desse vekene me er inne i no om ein ting: jakta. Eg håper også eg rekk nokre dagar i Dyraheio, og vil elles oppmoda alle om å koma seg ut i den fina haustlufta, anten det er med børse, fiskestong, bærplukkar eller berre tursekken. 

God tur!