Høyring: 2. gongs avgrensa høyring av kommuneplanen sin arealdel 2023-2034

Høyring: 2. gongs avgrensa høyring av kommuneplanen sin arealdel 2023-2034

Suldal kommunestyre vedtok i møte 10. mai 2023 å legga kommuneplanen sin arealdel 2023-2034 ut på 2. gongs avgrensa høyring. 

Kort fortalt

  • Kommuneplanen er kommunens overordna strategiske styringsdokument og inneheld mål og retningsval for kommunens utvikling
  • Kommuneplanen består av ein samfunnsdel og ein arealdel
  • Frist for høyringsinnspel til 2. gongs avgrensa høyring er 7. august 2023.

Kommunestyre - 036/23 Vedtak: 

«Planforslaget for arealdelen av kommuneplan for Suldal kommune 2022-2034 vert etter 2. gongs handsaming lagt ut på avgrensa høyring og offentleg ettersyn, i medhald av plan- og bygningsloven § 11-14. Høyringsperioden vert 6 veker frå høyringa vert kunngjort. 

Innspel 39 - Kveiteoppdrett Øra blir ein del av planforslaget og 2. gongshøyring.  

Endring i Føresegner og retningslinjer pkt 2.1.5 b siste del: I første setning: Følgjande avbøtande tiltak skal utgreiast i reguleringsplan. Første og fjerde strekpunkt. Stryke første ord (vurdere).» 
 

Sakspapira frå kommunestyremøte finn du her
 

I medhald av kommunestyret sitt vedtak vert kommuneplanen sin arealdel for Suldal kommune 2023-2034 lagt ut på avgrensa 2. gongs høyring i perioden 1. juni - 7 august 2023. 

 

Kommuneplanen sin arealdel 2023-2034 

- med endringar etter 2. gongs handsaming finn du her: 

 

4 tillegg til konsekvensutgreiing 

Plandokumenta er og tilgjengeleg hos innbyggarkontakt ved hovudinngangen til kommunehuset. 

 

Kva er på høyring? 

Avgrensa høyring inneber at det berre er endringar frå fyrste gongs høyring som er ein del av høyringa. Under er det sett opp ei oversikt over dei viktigaste endringane: 

 

Endringar i plankart

Nye område som vert sett inn i plan

  • Akvakulturområde Øra i Hylsfjorden 

  • 6 mindre område for LNF- spreidd (LS 25-30)for allereie utbygde område for å møte motsegn frå Statsforvaltar 

  • 3 byggeområde for allereie utbygde område - for å møte motsegn frå Statsforvaltar 

  • Grensejusteringar/utviding på eksisterande LNF-spreidd område (utan å auke tal på etableringar) - for å møte motsegn frå Statsforvaltar 

Nye område som vert tatt ut av plan
  • Område RU3, NÆ4 og HOS4 (råstoffutvinning i Sauaskolten) 
  • B1 (bustadområde Suldalsosen) 
  • FB1 (fritidsbustader Ytre Bjerga) 
     
Område som er redusert i storleik
  • RU1 (råstoffutvinning Kordalsnuten) - redusert areal etter mekling med Statsforvaltar 
  • RU2 (råstoffutvinning Fjetland) - redusert til realistisk areal for eit mursteinsbrot som skal nyttast som tilleggsnæring 
  • FTU1 (utleigehytter Fjetland) - redusert etter faglege råd frå fleire overordna mynde 
  • ABA2 flytebrygger Hylsfjorden - anlegget er ferdig bygd på dispensasjon, reduserast til reelt område 
  • AKV2 Borgaliflot - redusert mot vest for å ta omsyn til farlei inn Vindafjorden etter faglege råd frå Kystverket 
  • NÆ1 Sør på Berakvam redusert for å ta omsyn til kulturminne etter motsegn frå fylkeskommunen 
Område som endrar formål
  • 2 fiskeområde i Sandsfjorden endrar formål til kombinert formål VK 14 og VK15 ferdsel/fiske - etter fagleg råd frå Kystverket 
  • HOS 2 (hamneområde i Strambergsundet) endrar føremål til VK16 kombinert ferdsel/hamneområde - for å løyse motsegn frå Kystverket 
Andre mindre endringar i plankartet
  • Det vert sett inn 2 omsynssoner for råstoffutvinning (Sauaskolten H590_5 og Kordalsnuten/Grønneviksåsen H 590_8) 
  • Næringsområde på Strandaneset vert ikkje redusert men blir liggande som i noverande plan 
  • Det vert sett inn eksisterande godkjent akvakulturareal aust om Foldøy etter faglege råd frå Fiskeridirektoratet 
  • Det vert sett inn omsynssone rundt transmisjonsnettleidningar H740_22-25 

 

Endringar i føresegner og retningslinjer

Det er føreslått fleire endringar i føresegnene. Dei fleste endringane kjem etter motsegn og faglege råd frå overordna mynde. Alle endringar er markert med raudt i føresegnene. 

 

Planomtalen

Det er få endringar i planomtalen. Det er sett inn eit avsnitt om råstoff s. 20 etter motsegn frå Direktoratet for mineralforvaltning. Arealdisponeringane er endra slik dei er i samsvar med nye endringar i kartet. ( s.36). Utan om dette er det gjort mindre endringar for at planomtalen skal samsvare med endringar som no er foreslått. Alle endringar er med raudt. 

 

Konsekvensutgreiingar av innkomne arealinnspel

Konsekvensutgreiinga (KU) er den same som låg ved under 1.gongs handsaming av saka. 

Nye konsekvensutgreiingar er lagt ved som vedlegg. Det er 4 vedlegg til KU. 

 

Du kan senda høyringsinnspel til

 

Frist for å senda inn innspel er

7. august 2023. 

Sist endra 14.08.2023 03.39
Torill Telstad
E-post
Telefon 99 40 34 39
Mobil 99 40 34 39