Påmelding til nytt kulturskuleår
10. mai er fristen for å melda seg på nytt kulturskuleår. Me har tilbod i musikk, drama og biletkunst.
Påmelding på: https://nosuldal.speedadmin.dk/account/signin?&ReturnUrl=%2F&
Me har faste tilbod i musikk, drama og biletkunst. For dei yngste har me Kulturskuletimen. Dans har me i kortare kurs. Du kan gå på kulturskulen på kulturhuset, men i nokre fag får du undervisning på skulen der du bur. Vaksne kan også gå i kulturskulen, men barn får plass først.
Kven kan vera med?
Alle kan vera med i kulturskulen, men barn i skulealder får plass først. Kulturskulen følgjer skuleåret og har hovudopptaket om våren. Elevar i grunnskulealder blir prioriterte, og dei prioriterte elevane får plass etter alder, dei eldste først. Søknader utanom hovudopptaket blir behandla fortløpande. Er det ledig plass, blir det gitt tilbod.
Slik søkjer du
Gå inn på søknadportalen speedadmin her. Vel Suldal kulturhus og ny elev. Følg prosedyre vidare.
Søknadsfrist
Søknadsfristen er 10. mai og opptaket skjer i løpet av juni. Det blir sendt melding om plass så snart opptaket er klart.
Tilbod og pris i kulturskulen i Suldal
Kulturskulen
Musikk
Hjå oss kan du læra å spela på tangentar, trekkspel, gitar, bassgitar, messinginstrument, fiolin, cello, hardingfele og slagverk. Me kan også læra deg song.
Alder: Frå 8 år, eller yngre viss me greier gje eit skikkeleg tilbod.
Stad: I heimbygda di, eller på kulturhuset
Tid: 25 minutt
Drama
Likar du å spela teater? Drama er for deg som har lyst til å spela og leika deg på scena. I drama jobbar me med teater og rolleleik. Du får læra improvisasjon, som betyr å spela utan manus. Du får også læra å gjera musikk, bilete og tekst til spel. I drama bruker me kropp, stemme og ulike hjelpemiddel som dokker, masker og skugge. Me jobbar i grupper.
Alder: Frå og med 2. klasse.
Stad: Kulturhuset
Tid: 45 – 90 minutt
Biletekunst
Blyant eller pensel? Raudt eller grønt? Uansett kva farge du likar, kva form du har sans for: I løpet av eit år i med biletkunst får du lære meir om fargar og kva dei kan gjera med det du skapar. Du vil få lære både teikning og måling.
Alder: Frå 10 år
Stad: Kunstsmia på Sand, på Vinjar og Erfjord skule
Tid: 90 minutt
Kulturskuletimen
Veit du ikkje heilt kva du vil velja i kulturskulen? Har du lyst til å læra litt om alt me kan tilby? I kulturskuletimen får du prøva både musikk, drama og biletkunst. Tilbodet går over 16 veker.
Alder: 1. til 4. klasse
Stad: Skulen din
Tid: Innafor SFO-tida
Kva kostar det?
Det blir gitt 20% søskenmoderasjon (etter alder) frå og med det 2. barnet og frå og med 2. tilbod for same barn.