I Suldal er me i gong med vaksinering av gruppe 8 som er generell befolkning i alderen 55 til 64 år. Me startar vaksinering av gruppe 9 i veke 25 (generell befolkning i alderen 45 til 54 år).
Akkurat når det blir din tur veit me ikkje, då det er varierande kor mange vaksinedosar kommunen får kvar veke.
Vaksinering i Suldal kommune foregår på torsdagar og fredagar. Torsdagar i Suldalshallen, fredagar på Suldal legekontor. Du får ein sms når du blir kalla inn til vaksinering - her står det tydeleg når og kvar du skal møte.
Prioritering
Me følgjer den nasjonale prioriteringsrekkefølga:
Bebuarar i sjukeheim (Ferdig)Alder 85 år eller eldre (Ferdig)Alder 75 til 84 år (Ferdig)Alder 65 til 74 år og einskilde personer 18-64 år med særleg høg risiko ( ferdig)Alder 55–64 år med underliggande sjukdom/ tilstand (ferdig)Alder 45–54 år med underliggande sjukdom/ tilstand (ferdig)Alder 18 - 44 år med underliggande sjukdom/ tilstand- Alder 55 - 64
- Alder 45 - 54
- Alder 18 - 24 og 40 - 44
- Alder 25 - 39
Helsepersonell har blitt vaksinert parallelt med risikogruppene.
03. mai vart det sendt ut sms til alle innbyggarar i alderen 18 - 65 år, med spørsmål om ein ønskjer å ta vaksina. Dette for å vere klar til å kalla deg inn til vaksinering når det blir din tur.
Har du fått innkalling til vaksinering, men er blitt sjuk? Andre spørsmål om vaksina?
Ikkje ring legekontoret - Ring koronatelefonen, 906 99 226 i legekontoret si opningstid.
Når kan eg få vaksine?
Me skal tilby koronavaksinasjon til alle innbyggarane i Suldal. Vårt mål er at personar som blir tilrådd vaksinasjon, vel å ta vaksina.
Alle som får tilbod om vaksine, får informasjon om når det er sin tur. Me veit ikkje kor mange vaksiner me får framover, så me kan ikkje seie akkurat når det blir din tur. Det er fint om du ser at det er oppdatert kontaktinformasjon som ligg inne på norge.no, så vil du bli kontakta når det er din tur.
Kan eg byte time?
Suldal kommune oppmodar alle om å nytte timen dei får tildelt. Du er tildelt time på bakgrunn av din plass i prioriteringsgruppene. Avlysing av tildelt time vil gi ekstraarbeid for vaksinasjonsteamet, som har fullt opp med med den krevjande logistikken med vaksinering.
Har me rett kontaktinformasjon?
For å lettare komma i kontakt med deg, ber me om at du oppdaterer kontaktinformasjon som ligg inne på norge.no. Legg inn mobiltelefonnummer og ei e-postadresse i dette kontaktregisteret: https://norge.no/oppdater-kontaktinformasjon. Få hjelp til dette, om du har behov for det. Har du ikkje eigen mobil eller e-postadresse, kan du nytta kontaktinformasjonen til ein pårørande.
Koronavaksina - praktisk informasjon
Vaksinen er gratis og all vaksinasjon i Norge er frivillig. I starten vil det ikkje vere nok vaksine til alle. Norge vil få tilgang på fleire ulike vaksiner og dei første vaksinene me får, består av 2 dosar. Du vil få to avtalar for vaksinering, med nokre vekers intervall, avhengig av vaksina.
Førebuingar til vaksinasjon
- Vaksina blir sett i overarmen. Tilpass påkledning etter dette.
- Du må setja av litt ekstra tid, for du må venta i 30 minutt etter at vaksina er sett. Det vil vere helsefagleg personell tilgjengeleg i venteareala dersom du treng bistand.
- Vaksinering skal utsettast ved akutt infeksjonssykdom med feber over 38 grader.
Er du sjuk på vaksinasjonsdagen, ring umiddelbart til koronatelefonen: 906 99 226.
FHI sin rettleiar "koronavaksina på 1-2-3" kan du lese her.