Fasaden på eit bygg er yttervegger og tak. Fasadeendringar kan til dømes vere å byte vindu, endre kledning eller taktekking, setje inn ny dør eller å byte til glasrekkverk på balkong. Det er ikkje alle fasadeendringar du må søkje om.
Du treng som hovudregel ikkje søkje dersom
- du skal skifte tak, men ver klar over at det kan vere søknadspliktig dersom det medfører at taket blir heva.
- du endrar heile fasaden tilbake til slik det var før (dokumentasjon kan bli krevd)
- du skal skifte, setje inn eller fjerne vindu eller dør så lenge ikkje bygningen endrar karakter
Du må søkje med hjelp frå fagfolk dersom fasadeendringa
- fører til at bygningen endrar karakter
- fører til inngrep i berande konstruksjonar
- fører til inngrep i brannvegger eller andre brannsikre bygningsdeler
- er nærare enn 4 m frå nabogrensa
- gjer at krava til lys, rømming eller branntryggleik ikkje blir oppfylt
Ver merksam på at fasadeendringar på bygningar med kulturminneinteresse oftare vil føre til at bygningen endrar karakter – og dermed vil vere søknadspliktige.
Dersom du endrar fasaden fordi bruken av eit rom skal endrast, til dømes frå bod til soverom, må du søkje om bruksendring. Fasadeendringa blir då ein del av denne søknaden.
Sist endra 28.05.2023 03.32