Administrasjonen

 Her finn du informasjon om administrasjonen og organisasjonskart. Kommunehuset - Klikk for stort bilete

Rådmannen

Rådmannen er øvste leiar for dei tilsette. Han har ansvar for at kommunen utfører dei oppgåvene og yt dei tenestene kommunen er pålagt gjennom ei lang rekkje lover og føresegner.
For å gjere dette har rådmannen med seg mellom 700 og 800 tilsette fordelt på 450 årsverk (per 01.01.2016). Dei aller fleste er fordelt på dei 22 einingane (skule, barnehage, pleie og omsorg, teknisk, kultur, o.s.b) som har kvar sin einingsleiar, samt sentralstaben som sit på kommunehuset.

Når kommunestyret eller andre politiske utval vil ha gjennomført eit vedtak, går oppgåva til rådmannen. Han er administrasjonen sitt formelle kontaktpunkt med politikarane og møter i dei politiske møta med tale- og forslagsrett. I alle saker som er handsama av dei tilsette i kommunen har rådmannen det formelle ansvaret.

Rådmann er Øyvind Valen

Rådmannen si leiargruppe består av :

 

Sentral stab

I den sentrale staben er det rådgjevarar innafor oppvekst, pleie og omsorg, folkehelse, kriminalitetsforebygging og planarbeid, samt utbygging og eigedomsforvaltning, til saman mellom 5 og 6 årsverk.

I tillegg er det tre avdelingar:

Løns- og personalavdelinga

Løns- og personalavdelinga representerer kommunen som arbeidsgjevar. Blant arbeidsoppgåvene er tilsettingar, lønsutbetaling, arbeidsmiljø og HMS samt samarbeid med tillitsvalte og verneombod.

Løns- og personalsjef er Tordis-Kristin Tobiassen.
 

Kommunekassen

Kommunekassen fører kommunen sin rekneskap og er dessutan kommunen si IT-avdeling. Kommunekasseraren er også skatteoppkrevjar.

Kommunekasserar er Arnfinn Gundersen.

Servicetorget

I servicetorget ligg felles postmottak for kommunen, arkiv, sentralbord og drift av kommunen si nettside. Servicetorget inkluderer også politisk sekretariat, sekretariat for ordføraren, kommunestyret og dei politiske utvala. Drift av kommunehuset og sakshandsaming av sals- og skjenkeløyver finn ein også her.

Leiar for servicetorget er Turid Vaage.

Organisasjonskart

Per 08.02.18

Organisasjonskart per 08 - Klikk for stort bilete

Fann du det du leita etter?

Kontakt

Suldal Kommune
Suldal Kommune
Sentralbord
52 79 22 00