I januar informerte Suldal kommune om at energieffektiviseringsordninga nærma seg slutten etter fleire år med høg aktivitet og stor interesse. Sidan oppstarten i 2022 har Suldal kommune delt ut over 50 millionar kroner gjennom 2338 søknader til innbyggarar, hyttefolk og næringsliv.
Tiltaka har mellom anna omfatta varmepumper, vedomnar, isoleringstiltak og solceller, og ordninga har gitt både energisparing, lågare kostnader og mange oppdrag til lokale handverkarar.
– Det har vore privilegert å kunne dele ut pengar og kome tettare på folk gjennom ordninga, seier saksbehandlar Ronny Mehus Rugland.