Digihjelp i Suldal
Suldal kommune jobbar for å gi innbyggarar som står utanfor ein digital kvardag kunnskap til å ta kontroll.
Me vil i lag med frivillige no tilby opplæring og rettleiing for dei som vil beherska det digitale daglegliv; alt frå offentleg informasjon, TV kanalar, bankar, busselskapet, parkeringsautomaten, legekontor og mange fleire.
Me startar heilt grunnleggande. Så byggar me på, slik at du til slutt har nødvendig kontroll med den digitale kvardagen.
Tilbodet
Tilbodet er kurs i mindre grupper. Her vil du læra å bruka pc, nettbrett eller smarttelefon, generell bruk av internett, e-post og sosiale media. Du vil også få opplæring i å bruka dei vanlegaste nettstadane som det offentlege formidlar informasjon via, som altinn.no, skatteetaten.no og nav.no. Du vil også læra å bruka nettbank og andre betalingsmetodar digitalt.
Ved å senda inn registreringa vil du motta meir informasjon om opplæringstiltaka som Suldal kommune har tilbod om.